Ljóð - Ferðalag

Ferðalag

Sigvarður 9 Júní 2019

Ég er á andlegu ferðalagi,

á ferðalagi að verða eins og Jesú.

Ég á langt í land.

En stefna mín er tekin í þá átt.

Að vilja verða eins og þú Jesús,

gefur mér tilgang og stefnu í lífinu.

Þú sýndir okkur gott fordæmi,

hvað það er að vera sonur/dóttir Guðs.

Þú sagðir að við gætum gert sömu verk og þú.

Ég trúi því sem þú sagðir og geng út á það.

Ég reyni að muna í öllum aðstæðum,

hvað myndi Jesús gera.

Myndir þú hafna einhverjum ?

Eða standa í vegi fyrir því að börnin,

fái að upplifa þína elsku ?

Nei þú elskar alla jafnt.

Allir hafa jafna möguleika á að gera það,

sama og þú gerðir.

Þú tekur þau sem ekkert eru,

í augum heimsins og gerir þau að stórmennum.

Þú elskar brotin hjörtu,

þú læknar þau og gerir þau heil.

Einn dag í einu að átt til eilífðarinnar.

Að fara í gegnum lífið án þín,

er eins og fara á bát með engan áttavita,

vita ekkert hvert á að fara.

Án þín er engin stefna.

Einn dagur í einu, hefur orðið að mörgum.

Hver dagur með þér er ævintýri.

Ný verkefni bíða mín hvern dag.

Þú bíður mér að horfast í augu við sjálfan mig.

Gefur mér hugrekki til að yfirstíga erfiða hluti.

Gefur mér náð til að vera sonur.

Ferð með mér á staði til að vera ljós fyrir þig.

Ferð með mér í gegnum daginn.

Eins og Davíð ritaði forðum,

leiðir mig að vötnum,

þar sem ég má næðist njóta.

Þú ert með mér sérhvert skref.

Þegar ég fer út í sjoppu að kaupa kók og pyslu,

þá ert þú mættur á svæðið og allt getur gerst.

Þar sem ég fer, þar ert þú.

Þú sérð það sem býr í hjarta mínu.

Þú veist hvað ég hugsa.

Þú gafst mér þitt hugarfar,

skiptir út því gamla.

Orð þín móta mig og gefa mér leiðsögn.

Andinn Heilagi er með mér.

Segir mér stundum leyndarmál

og upplýsir sálarsjón mína.

Sýnir mér hversu miskunnsamur og góður þú ert.

Sýnir mér fólk til að biðja fyrir.

Sýnir mér vilja þinn fyrir land mitt.

Þú gafst mér smurningu Jósúa til að taka þetta land.

Til að fella risa og hjálpa öðrum að komast yfir,

í fyrirheitna landið.

Þú gafst mér hugrekki til að vinna þau verk,

sem þú hefur falið mér.

Þú sýnir mér mikið traust,

og gefur mér ábyrgð.

Ábyrgð að sjá þetta land breytast.

Svo vilji þinn verði á jörðu,

eins og hann er á himnum.

Komi ríki þitt yfir Ísland,

eins og það er á Himnum.

Verði vilji þinn yfir Íslandi,

eins og hann er á Himnum.

Komi eldur þinn yfir Ísland,

og brenni burt það sem er ekki þér þóknanlegt.

Komi kraftur þinn yfir börnin þín.

Til þess að þau geti unnið þau verk sem þú hefur falið þeim.

Fyrirgef þjóð minni fyrir syndir þeirra.

Fyrir að vanhelga landið skurðgoðum.

Fyrirgef þjóð minni fyrir að velja lygina í stað sannleikans.

Fyrirgef þjóð minni að leita til annara guða en þín.

Fyrirgef yfirvaldi þessa lands, fyrir rangar ákvarðanir,

og lagasetningar sem eru andstæðar þínum vilja.

Ó mætti þessi þjóð snúa sér til þín,

frá sínum vondu vegum.

Og koma í ferðlag með þér Jesús.

Ljóð til Jesú

Ljóð til Jesú

Sigvarður 8 júní 2019

Jesús elskuhugi sálar minnar.

Ég vil þakka þér fyrir svo margt.

Veit varla hvar ég ætti að byrja.

Þakklætis listinn er langur.

En þó eru nokkur sem mig langar að nefna.

Takk Jesús fyrir Golgata.

Takk fyrir blóð þitt sem rann.

Takk fyrir höggin 39.

Takk fyrir að taka við mér brotnum,

og gera mig heilan.

Ég var afskrifaður en þú hafðir trú á mér.

Ég var vonlaus en þú gafst mér von.

Ég var undirokaður og fjötraður,

en þú settir mig frjálsan.

Þú tókst í burt synd mína,

og gafst mér þitt líf.

Þú læknaðir sárin mín,

og fylltir mig af elsku.

Þú tókst í burtu hatur og reiði,

og gafst mér kærleika og ró.

Þú tókst við óróleika mínum ,

of gafst mér þinn frið.

Þú tókst í burtu vonleysið,

og gafst lífi mínu tilgang.

Þú fjarlægðir myrkrið sem bjó innra með mér,

og gafst mér þitt ljós.

Þú tókst við mínu brotna steinhjarta,

og gafst mér hjarta úr holdi og blóði.

Þú tókst við særindum mínum ,

og gafst mér lækningu og heilindi.

Þú tókst í burtu skömmina og sekktarkendina,

og gafst mér þitt réttlæti.

Þú heyrðir neyðaróp mitt,

þegar ég var á leiðinni til heljar.

Þú gafst mér tækifæri til að koma aftur,

og lifa á þessari jörð.

Þú gafst mér tækifæri ,

til að lifa fyrir þig.

Þegar ég hef dottið,

þá hefurðu reyst mig við.

Þegar ég hef vilst af leið,

að þá hefurðu náð í mig,

og fært mig aftur á rétta braut.

Þegar ég hélt að ég væri búin að klúðra öllu.

Að þá sagðirðu mér að standa upp og halda áfram.

Þegar það hafa komið erfiðir tímar,

þá hefurðu verið mér öruggt skjól.

Þú kenndir mér að elska,

þegar ég vissi ekki hvað elska var.

Þú tókst við frosnum tilfinningum mínum

og læknaðir þær.

Þú kenndir mér að finna til samkenndar.

Þú tókst í burtu eigingirni mína

og gafst mér kærleika til annara.

Þú tókst í burtu nísku mína,

og gafst mér gjafmilt hjarta.

Þú tókst í burtu stoltið mitt,

og gafst mér auðmjúkt hjarta.

Þú tókst í burtu munaðarleysið mitt,

og gafst mér sonarrétt.

Þú tókst í burtu fátækt mína,

og gafst mér þitt ríkidæmi.

Ég átti ekki ást þína skilið,

en þú valdir að elska mig.

Þú tókst í burtu óöryggi mitt,

og gafst mér öryggi.

Þú tókst í burtu óttann minn,

og gafst mér hugrekki.

Ég er ekki eins og ég var,

ég er nýr maður í dag.

Þín vegna fæ ég að lifa.

Ég ætti ekki einu sinni að vera lifandi.

En þú hefur ávallt verndað mig.

Þegar ég hef verið í aðstæðum,

þar sem dauðinn vildi taka mig,

sentir þú engla þína til að gæta mín og vernda mig.

Þegar ég var í myrkrinu,

þá var hönd þín yfir mér.

Allt frá móðurkviði hefur hönd þín,

verið yfir mér og þú bankað á hjarta dyrnar.

Þegar ég hleypti þér inn, varð allt nýtt.

Ég hafði hugsað mér að minnast á nokkur atriði,

til að vera þakklátur fyrir.

En þegar ég hugsa til baka,

fyllist ég af þakklæti og stolti,

fyrir að fá að tilheyra þér.

Ég minnist á allt þetta,

svo aðrir fái séð,

hver þú ert í raun og veru.

Þú ert ekki eingöngu frelsari minn,

þú ert mér lífið sjálft.