Smá pæling um fyrirgefningu

Hvað er fyrirgefning? Sumir segja ég fyrirgef þér en gera það samt ekki. Eflaust vegna þess að þessir aðilar vita bara ekki betur hvað að fyrirgefa þýðir.

Fyrirgefning þýðir að gleyma þegar það kemur að okkur mönnunum að fyrirgefa öðrum.

Fyrirgefning Guðs til þín merkir í dag að afmá en var fyrir golgata að hylja yfir.

Fyrir sumum er það kannski hulið afhverju fyrirgefning fær nýja merkingu á golgata eða hafa hreinlega bara ekkert pælt í því. Í Biblíunni er talað um það að lífið sé í blóðinu. Syndin hún elur af sér dauða og veldur aðskilnað frá Guði. Þess vegna þarf að veita okkur líf með blóði sem er hreint lýtalaust og saklaust. Til að byrja með gerði Guð blóðsáttmála við Abraham því að það var sú leið sem hann valdi til að bjarga okkur frá eilífri glötun. Til að byrja með var blóð dýra gilt til fyrirgefningar synda okkar. En það blóð gat ekki afmáð syndina og það þurfti að færa fórnir á ári hverju og menn þurftu að minna sig á að þeir væru syndarar. En þegar Jesús úthelti blóði sínu á golgata að þá afmáði hann syndina í eitt skipti fyrir öll.

Sá sem tekur við Jesú sem Drottni sínum og frelsara hefur fengið að auki fyrirgefningarinnar eilíft líf að gjöf. Þ.e.a.s að það er ekkert syndavandamál lengur hjá þeim sem veita honum viðtöku. Það er vegna þess að allt sem við höfum gert og eigum eftir að gera hefur okkur verið fyrirgefið. Okkur hefur verið veitt frelsi til að lifa ekki í synd, og leyst undan valdi syndar og dauða. Vandamálið er ekki lengur syndin heldur erum við í stríði við girndina í sjálfum okkur eins og Páll útskýrir svo vel í Rómverjabréfinu. Rómverjabréfið segir líka að allt sem ekki er af trú er synd. Þannig að við þyrftum allan daginn til að vera játa syndir okkar en þurfum þess ekki. Enda búið að borga fyrir þær. En það sem við þurfum að gæta að er að lifa í sátt við hvort annað og vera fús til að fyrirgefa hvoru öðru það sem miður fer.

Eina syndin sem kemur þér til heljar fyrir utan það að lastmæla Heilögum Anda er að afneita Jesú. Jóhannes talar um í bréfum sínum um að syndin er að þeir trúðu ekki á nafn Guðsonarins eina. Ástæðan fyrir þessu er einfaldlega vegna þess að Jesús er dyrnar á himnaríki. Ef þú gengur ekki inn um þær dyr. Þá eru engar aðrar dyr til. Afneitun á björgun þýðir aðeins dauði fyrir þá sem þyggja hana ekki.

Frammi fyrir Guði eru sálir okkar dýrmætar og hann vill að sjálfssögðu fá þær allar til sín. En til þess verðum við að meðtaka fyrirgefningu hans fyrir líf okkar:)

Athugasemdir

[Anna Benkovic Mikaelsdóttir, 15.11.2007 kl. 11:13]

Aravísur

Hann Ari er lítill.
Hann er átta ára ,,trítill"
með augu svo falleg og skær.
Hann er bara sætur,
jafnvel eins, er hann grætur
og hugljúfur þegar hann hlær.

En spurningum Ara
er ei auðvelt að svara:
- Mamma af hverju er himininn blár?
- Sendir Guð okkur jólin?
- Hve gömul er sólin?
- Pabbi, því hafa hundarnir hár?

Bæði pabba og mömmu
og afa og ömmu
þreytir endalaust spurninga suð:
- Hvar er sólin um nætur?
- Því er sykurinn sætur?
- Afi, gegndu, hver skapaði Guð?
- Hvar er heimsendir amma?
- Hvað er eilífðin, mamma?
- Pabbi, af hverju vex á þér skegg?
- Því er afi svo feitur?
- Því er eldurinn heitur?
- Því eiga ekki hanarnir egg?

Það þykknar í Ara,
ef þau ekki svara
og þá verður hann ekki rór,
svo heldur en þegja,
þau svara og segja:
Þú veist það, er verðurðu stór.

Fyrst hik er á svari,
þá hugsar hann Ari
og hallar þá kannski undir flatt
og litla stund þegir,
að lokum hann segir:
- Þið eigið að segja mér satt.

     Stefán Jónsson

 

kveðja

[Svanfríður (IP-tala skráð) 15.11.2007 kl. 12:01]

Anna Benkovic Mikaelsdóttir, Þú munt uppskera eins og þú sáir. Ef þú ert í Aravísum daginn út og daginn inn þá býð ég nú ekki í sálartetrið þitt, prófaðu að leyta Drottins og þú munt finna Hann á þann perssónlulegasta hátt sem þig gæti aldrei órað fyrir.

Kæri Sigvarður, þú ert óvenju einlægur ungur kristinn maður, við heiðingjana skaltu ekki reyna að blanda miklu samneyti við, því guð þessarar aldar hefur blindað augu þeirra.

Að lokum einn af mörgum góðum sálmum í Biblíunni:

Hversu mikil er gæska þín,

er þú hefir geymt þeim er óttast þig,

og auðsýnir þeim er leita hælis hjá þér

frammi fyrir mönnunum.

Þú hylur þá í skjóli auglitis þíns

fyrir svikaráðum manna,

felur þá í leyni fyrir deilum tungnanna.

Sálmur 31:20-21.

Gangi þér vel.

Svanfríður

[Sigvarður Hans Ísleifsson, 15.11.2007 kl. 12:04]

Takk fyrir vísuna Anna hehe og takk fyrir þitt koment Svanfríður:) Það er satt hjá þér maður á ekki að eyða of mikilli orku í að vera svara þeim;)

[Kleópatra Mjöll Guðmundsdóttir (IP-tala skráð) 15.11.2007 kl. 18:05]

eyðiru út athugasemdum sem þér líkar ekki ? þinnar fyrirgefningar er ekkert sérstaklega óskað. það kallar enginn mömmu mína viðstyggð og fleira í þeim dúr án þess að gera mig reiða. finnst þetta hallærisleg framkoma með meiru

[Sigvarður Hans Ísleifsson, 15.11.2007 kl. 18:15]

Þú hótaðir að hrækja á mig og svoleiðis ógeð, en þú áttar þig ekki á því að stundum fær maður ógeð af því sem aðrir segja en fyrst þú vilt gera þig af fífli þá skal ég leyfa komenti þínu að vera. Það breytir mig engu hvort þú hafnir fyrirgefningu annara. Ég er búin að fyrirgefa þér og er frjáls og meira þarf ég ekki að gera;)

En reyndu líka að hugsa  um hvað þið mæðgur eruð að blogga. Það sjá þetta allir nema þið. Ég trúi því ekki að þið séuð jafn ruglaðar og Gummi í Byrginu og það sé ekkert til í ykkar hjarta sem heitir fyrirgefning. Og þú gerir ekkert annað en að lýsa sjálfri þér með skrifum þínum.

[Sigvarður Hans Ísleifsson, 15.11.2007 kl. 18:36]

Hérna kemur komentið þitt fyrst þú endilega vilt;)  

Kleópatra Mjöll Guðmundsdóttir: hafðu vit á tví að yrða ekki á mig ógeðið thitt !! mér er skapi næst að hrækja á thig thegar ég sé thig næst!! thú ert ekki Kristinn frekar en djöfullinn sjálfur. Iðrastu tví himnaríki er í nánd 

[Kleópatra Mjöll Guðmundsdóttir (IP-tala skráð) 15.11.2007 kl. 18:45]

ertu að líkja mér við Guðmund í byrginu SIgvarður? Ég hélt virkilega að í þér byggi góð sál... ég er farinn að efast meira og meira. Hvernig tækir þú því að ég mundi fara að úthúða Halldóru Svövu, móður þinni? Það talar enginn "við" mömmu mína eða fólkið mitt almennt eins og þú hefur gert án þess að reita mig til reiðis. Ég stend með fólkinu mínu og það ert þú sem hefur verið að taka þessa umræðu alveg út fyrir allt point. Ég treysti ekki manni sem er með fortíð eins og mína, eða eins og Baldurs Freys til að vera í forystuhlutverki eins og hann er að gera svona stutt á veg kominn í edrúmennsku.

Ef við eigum ekki að dæma syndir hans afhverju mátt þú og þínir líkir dæma samkynhneigða sem sora?

Hvernig geturu líkt því saman þegar að tveir fullorðnir einstaklingar gera eitthvað kynferðislegt saman með samþykki beggja aðila og þegar að barn er misnotað af fullorðnu manni/konu kynferðislega? Þú hlýtur að sjá að þetta er ekki sami hluturinn. Að meiða barn á þennan hátt er hroðalegt. Hvað Jói og Siggi, báðir komnir á fullorðinsaldur gera í sínu herbergi kemur mér bara ekki við....

Ég ber virðingu fyrir fólki sem á trú. Ég ber meiri virðingu fyrir fólki sem sýnir trúnna í verki. Enn meira ef það er ekki að benda sífelt á hina og í stað þess að vinna statt og stöðugt að því að gera sig að betri manneskju. Til dæmis með að hjálpa meðbræðrum og systrum en ekki umfram eigin getu, því þá er hætta á því að gera vont verra. En að krefjast umbunar fyrir góðmennsku sýna, með athyglissýki eða peningum til dæmis tekur einhvern veginn glansann af og ósjálfrátt vaknar spurningin um tilgang góðmennskunnar....

Það má vel vera að BF sé heill í trúnni, sé að leggja sig allan fram við að vera betri maður. En mér finnst vanta upp á edrúmennskuna hans til að það sé hægt að treysta á hann... að hann sé ekki bara "loftbóla sem springur"

fattaru?

Mín skrif hér á moggablogginu hafa ekki verið að valda hugarangri og reiði. Og þér að segja hef ég eignast marga kæra vini hérna og fólk hefur allt annað en þú að segja um minn karakter. Ég á ekki erfitt með að fyrirgefa, kannski aðalega mér sjálfri stundum. Kannski þess vegna undrast ég að ekki skuli sjást meiri iðrun á Baldri, ég veit það ekki.

Mér finnst ekki rétt af þér að tala svona til mín Sigvarður. Mér finnst þú hafa verið með allt á móti þér í þessari umræðu og vörnin þín er að skíta út fólk.

Þú dæmir og dæmir og biður um að við hættum að dæma... taktu til í hugsunum þínum og vertu trúr sjálfum þér og þinni trú... því þú hefur tekið þetta allt á mjög látt plan ef ég á að segja eins og er... í stað þess að halda þig við staðreyndir og kærleika hefur verið "ljótur og dómharður"... hélt að sann Kristið fólk mundi sækast eftir að vera fyrirmynd í stað þess að fara á lægra plan ....

bara pæling

[Anna Benkovic Mikaelsdóttir, 15.11.2007 kl. 19:47]

Kleópatra, ég sé að þú ert fín og ég er sjálf samkynhneigð móðir og veit hversu mikið þessi "ganga" særði mig (ekki son minn, hann er aðeins 4 ára ennþá)...en ef þú hefur sagt persónulega hluti eins og að "hrækja á Sigvarð" þá er það ekki okkur samkynhneigðum í hag!

Sigvarður er skemmdur (eins og margir eru)...en eftir því sem ég best sé er hann virkilega að REYNA að gera gott! ...og er á magran hátt virkilega góður drengur. Það er meira en margir gera. éG hef líka trú á Sigvarði (veit ekki af hverju?) en held að hann muni eftir nokkur ár algerlega samþykkja minn samkynhneigða kærleika, vegna þess að hann leitar kærleika og lifandi orðs!  Hann hefur líka haft manndóm í sér og hugrekki að biðja móður þína afsökunnar! Það er vert að taka hattinn af fyrir sagði hún, og ég er henni algerlega sammála. Horfðu á það ,ef ekkert annað!...en svo sannarlega særir það að sonur minn skuli þurfa að alast upp í þjóðfélagi sem "grýtir " samkynhveigða eins og móður hans...ekki gera börnin á leikskólanum það!...Allavega held ég og trúi því að Sigvarður sé, þrátt fyrir erfiða æsku, svo vel af Guði gerður að þegar hann "rankar" við sér mun hann svo sannarlega ekki "grýta" neinn! Gangi þér vel

[Benna, 15.11.2007 kl. 20:47]

Ég er bara orðlaus.

[Anna Benkovic Mikaelsdóttir, 15.11.2007 kl. 20:57]

ÉG HREINLEGA NEITA AÐ TRÚA ÞVÍ Á ÍSLANDI 2007, AÐ ÞAÐ SÉU TIL MANNESKJUR SEM MYNDU GRÝTA SAMFERÐARFÓLK SITT Í NAFNI JÉSÚS KRISTK OG KÆRLEIKSBOÐSKAPAR HANS!

[Benna, 15.11.2007 kl. 21:34]

Ég svaraði þér á blogginu hennnar Heiðu endilega kíktu á það sigvarður og  reyndu ekki að básúna um fyrirgefningu kærleika og annað þegar þú berð þess enginn merki að hafa þessa kosti í fórum þínum í augnablikinu,

Svar mitt við þínum rakalausa þvætting sem þú berð á mig ...er að finna hér:

http://skessa.blog.is/blog/skessa/entry/364253/

[Linda, 15.11.2007 kl. 22:25]

Það er alltaf best að vera ekki með uppnefningar og fjúkyrði, slíkt elur af sér hluti sem erfitt er að taka til baka.  Fyrirgefningin er erfið en hún er þess virði.  Sjálf hef ég nýlega tekið  á þessu viðfangsefni á blogginu mínu. 

Umræðan sem hér er ýjað að er komin út fyrir alla velsæmd og kurteisi, hver sem afstaðan viðkomandi aðila er þá þjónar það engum tilgangi og fæstir nenna að lesa slíkt aftur og aftur  

Kannski er besta að taka 1 Pétur 3:15-18, Pétur í mínum huga vara sá sem gat komist að kjarna málsins án þess að flækja málin.

Friður sé með ykkur öllum og blessun Guðs í lífi ykkar. 

[Anna Benkovic Mikaelsdóttir, 15.11.2007 kl. 22:43]

ÉG ER ALVEG HÆTT AÐ SKILJA?

[Sigvarður Hans Ísleifsson, 16.11.2007 kl. 01:05]

Benna þú segir að ég beri engin merki um fyrirgefningu í hjarta mínu. Þú hefur bara rangt fyrir þér. Ég hef ekkert þrætt fyrir það að hafa gengið og langt. Enda baðst ég strax afsökunar á því sem ég sagði. Ég skil allveg afstöðu þína gagnvart Baldri varðandi edrútíma hans oflr. Þetta hefur allt gerst hratt fyrir sig í Ármúlanum og þetta stækkaði meira en við gerðum okkur grein fyrir í upphafi. Ég hef ekki fordóma gagnvart neinum. Samkynhneigðir eru bara fólk eins og ég og þú. Og ég þekki fullt af fólki sem er samkynhneigt og tvíkynhneigt. Ég kem allveg eins fram við þetta fólk og annað. En hvaða rök hefur þú fyrir því Benna að ég sé ekki fyrirgefandi eða kærleiksríkur? Þú getur ekki lagt dóm á nokkur orð sem gengu of langt enda baðst ég afsökunar sem var tekið til greina. En mér sýnist þú eiga í vandræðum með að fyrirgefa enda hefurðu viðurkennt það. Ég get fyrirgef og fyrirgef þeim sem brjóta gegn mér. Sumt hefur sinn tíma og ég bið líka fyrir þeim sem ég er ósáttur við og skoða mig í 10 sporinu hvort ég þurfi að biðja einhvern afsökunar. Á sá allveg strax hvað ég sagði og baðst strax afsökunar. Það er merki um iðrun en þú ert greinilega eitthvað bitur út í trúnna. Ég skil það vel að þú sért ekki sátt hvernig fór í máli frænda þíns sem var minn besti vinur frá því að við vorum litlir. Og við erum allveg sammála því að hann var góður drengur með fallegt hugarfar þrátt fyrir að hafa beðið ósigur fyrir fíkniefnunum. En Byrgið var Byrgið og því þykir mér asnalegt að blanda öðru saman við þá starfssemi. Baldur er ekki að fara opna neina meðferð, heldur áfangaheimili. Það er stór munur þar á. En Kleópatra ég var búin að biðjast afsökunar og sagðist líka fyrirgefa þér það sem þú skrifaðir en þú hafnaðir því. Mamma þín á ekki að vera úthúða vini mína. Þú hefur ekkert til að úthúða mömmu minni fyrir enda kemur hún þessum umræðum ekkert við. Hún var ekki að dæma neinn með viðbjóðslegum bloggfærslum fullum af hræsni og skít. Benna ég sá svarið þitt. En ég hef engan áhuga á því að blanda mér inn í það hvernig fór fyrir 12 sporahúsinu. Enda veistu það að ég var mjög hlyntur þessari starfssemi og mælti með ykkur við marga sem leituðu til mín um úrlausn í meðferðarmálum. Þannig ég skil ekki þetta koment þitt að ég geti ekki fyrirgefið. Ég er búin að fyrirgefa Guðmundi í Byrginu en ekki þú og ég ætla ekkert að vera dæma þig fyrir það enda er þetta hlutur sem hefur sinn tíma. Ég hef margar ástæður til að hata Guðmund en geri það ekki. Hatur og ófyrirgefning hefur ekkert upp á sig.

[Benna, 16.11.2007 kl. 18:36]

Sigvarður þú sagðir að 12 sporahúsið hefði hætt vegna óheiðarleika? 

Þar með ert þú að blanda þér í þau mál og að sjálfsögðu svara ég þér til að leiðrétta þig því þú ert að fara með rangt mál.
Þú segist ekki dæma en samt ertu að því þegar ´þú lýgur blákalt um starfsemi 12 sporahúsins sem á ekki við nein rök að styðjast.

[Sigvarður Hans Ísleifsson, 17.11.2007 kl. 02:50]

Þetta var nú ekki bláköld lýgi. Þetta er það sem mér var sagt af fólki sem leggur það ekki í vana sinn að ljúga. Ég vissi bara ekki betur. En núna ertu búin að leiðrétta þetta vinan og ég biðst bara afsökunar á því að hafa trúað þessu og sagt svona frá því...

[Sigvarður Hans Ísleifsson, 17.11.2007 kl. 02:54]

Það var nú alldrei nein íll meining á bakvið þetta heldur bara fáfræði að minni hálfu...

[Benna, 17.11.2007 kl. 18:10]

Þakka þér fyrir afsökunarbeiðnina, tek hana alveg til greina..fannst bara sárt að þú skyldir segja Þetta en kemur ekki á óvart að einhver hafi verið að dreifa Þessari lygi um okkur.

Sigvarður ertu til í að senda mér skilaboð á mailið mitt [e-mail]

Væri mjög þakklát fyrir það.

[Sigvarður Hans Ísleifsson, 17.11.2007 kl. 18:40]

takk fyrir:D ég skal gera það:)   lygar eru alldrei af hinu góða en maður lærir þá bara betur af þessu og spyr frekar en að koma með svona sem maður hefur ekki 100% heimildir fyrir... En núna veit ég sannleikan um þetta og er sáttur...