stjórnmálakomplexar og skítlegt eðli ríkisstjórnarinnar...

Ég er svona að velta því fyrir mér hvað fólki finnist um ríkisstjórnina núna? Ástæðan´fyrir því að ég spyr er vegna þess að meðan það virðist vera komin einhver krepppa og það ætti að vera tími þar sem ríkisstjórnin aðhefst eitthvað til að koma á móti landi og þjóð að þá eru ráðherrarnir bara á ferðalögum í einkaþotum og annað.

Það er eins og þeim sé skítsama um allmenning og hugsi bara um sitt. Ég hélt eimitt að samfylkingin myndi koma inn og gera góða hluti og bæta upp þá vitleysu sem framsóknarmenn gerðu.

En það virðist ekki skipta neinu máli hver er við völd þetta eru mest allt siðspilltir menn þegar þeir komast til valda. Reyndar var einn ráðherra í framsókn sem hætti vegna veikinda konu sinnar, hann var reyndar of heiðarlegur til að vera ráðherra að margra manna mati. En ég hélt eimitt að ráðamenn þjóðarinnar ættu að vera heiðarlegir.

matarvörur hefðu ekkert þurft að hækka vegna þess að þegar krónan styrktist að þá var alldrei lækkað neitt í búðunum og ég tel að við eigum það inni hjá stjórnvöldum og búðadúddum að matvöruverðið verði lækkað aftur.

Það sem veldur eflaust mönnum mestri reiði er græðgi manna í að hagnast á bensíni. Ég er svona á því að ríkið græði ekkert á því að vera alltaf að hækka gjöldin og hvað þá bensínfélögin að starfa í leyndum saman um að okra á landanum.

Að lokum er stefna ríkisins varðandi þeim sem þeir hleypa inn í landið til að vinna í landinu okkar. Ég hélt að það væri svona allmen skynsemi að kanna sakaskrá þeirra sem koma og það ætti að vanda valið svoldið betur. Það er til fullt af pólverjum sem er hið fínasta fólk en mafíósarnir setja svartan blett á hina sem reynda að standa sig og gera vel. Litháar eru verri en pólverjar að mínu mati. Það eru eitthvað um 10 stk Litháar á hrauninu núna. Bæði pólverjar og litháar kunna sér síðan sáralítið hóf þegar það kemur að því að bera virðingu fyrir hinu kyninu, konur eru áreittar og nauðgað, menn þeirra eru barðir og svo eru þessar innbyrðisdeilur á milli þessara þjóða.

Breiðholtið er orðin  ein útlendingarnýlenda þar sem það er stórhættulegt að búa liggur við. Mér finnst allt í lagi að hleypa fólki inn í landið okkar til að vinna en mér finnst það samt að það ætti að fylgjast betur með því hverjum er hleypt inn í landið okkar. Tala ekki um nýliðið dæmi þar sem eftirlýstur morðingi var í landinu fyrir að hafa drepið 2 mafíósa og svo annar mafíósi á eftir honum og húmorinn í þessu öllu saman að báðir menniri fengu húsnæði og annað í gegnum Gulla Laufdal. Karlgreyið hafði ekki hugmynd hvað var í gangi.

Án þess að vera dæma fólk eða eitthvað í þessu málefni að þá finnst mér það ekki rétt að hleypa hverjum sem er inn í landið okkar. Afleiðingin á kæruleysi yfirvalda í þessu máli er sú að meira útlendingahatur er komið í landann og margir hafa fengið sig fullsadda á þessu rugli sem hefur riðið yfir síðustu mánuði og ár.

Að fara út í öfgar...

Að fara út í öfgar er eitthvað sem Íslendingar eru mjög færir í en það sem ég hef verið að pæla í er hvernig maður horfir á einstaklinga. Samkynhneigðir eru mjög æstir að fá réttindi og vera viðurkenndir, og mér finnst þetta fara oft út í öfgar hjá þeim. Afhverju að vera auglýsa sig sem þannig?

Ætti kynhneigð hvers og eins ekki að vera einkamál fólks?

Alla vegana að þá stendur ekki utan á fólki, bankastarfsmaður, eða forstjóri. Fólk er ýmislegt en er ekkert að auglýsa það. En ég fór svo að spá út í þessar öfgakenndu baráttu samkynhneigðra. Ég lít bara á þá sem einstaklinga en samþyki ekki líferni þeirra sem eðlilegan hlut. Það er mitt álit að bossinn sé bara exit only og svo annara álit að þetta sé eðlilegt.

En fyrir mér að þá eru fólk bara fólk og maður á að elska það sem slíkt óháð kynhneigð þeirra og ég er á móti´því að flokka fólk einhverja flokka líkt og oft er gert við samkynhneigða. Þau eru bara einstaklingar eins og aðrir. Flest allir hafa eitthvað óhreint í pokahorninu eða eiga við einhvern vanda að etja en eru samt einstaklingar fyrir það...

ég er alls ekki að reyna skapa einhver leiðindi, fólk má vera eins og það er fyrir mér, það er ekki mitt að dæma það en öllu má stilla í hóf...

Pæling...

^Jeremia.30:8Þann dag, segir Drottinn hersveitanna, mun ég brjóta okið af hálsi hans og slíta hlekki hans. Þeir munu ekki lengur þræla fyrir framandi menn ⁹heldur þjóna Drottni, Guði sínum, og Davíð, konungi sínum, sem ég mun hefja upp þeirra vegna.

þarna talar Drottinn til Jeremía spámanns um að Ísraelsmenn muni ekki lengur þjóna eða vera undir oki erlendra konunga. Ég sé að nýja þýðingin setur framandi menn, en hvað er átt við því skil ég ekki  allveg. En þarna segir Drottinn ég mun leysa ykkur undan þrældómi til þess að þið getið þjónað mér og Davíð, konungi sem hann muni reysa upp þeirra vegna. En að staðreyndum að þá var Jeremía svona sirka uppi 200 árum eftir Davíð konungi. Annað atriðið varðandi þetta er að menn gætu velt þungum þönkum yfir því hvort Drottinn ætlaði að reysa Davíð upp frá dauðum.

Ég fann fullt af versum sem vitna í þetta sama. Niðurstaðan var sú sem ég bjóst við að yrði. Að þarna ekki verið að tala um Davíð konung sjálfan, heldur Jesú krist. Út af ættlegg Davíðs konungs kæmi konungur konunga sem heitir Jesús. Nafnið Jesús þýðir sá sem frelsar sinn lýð. Þessi spádómur segir akkúrat fyrir um það hvað Jesús myndi gera er hann kæmi.

Allir þeir sem voru fjötraðir fengu lausn hjá Jesú. Þetta þýðir það að við munum ekki þurfa að vera undir oki óvinarins lengur. Heldur mun Jesús leysa okkur undan valdi syndarinnar svo við getum verið frjáls og þjónað Drottni, og fylgt konunginum sem er Jesús Kristur.

Hugurinnn eða hugsunarháttur

Ég verð að hrósa Fribba1976 á minnsirkus fyrir að gefa mér smá innblástur í þessa hugleiðingu. Ég var svona að velta því fyrir mér hvað ég ætti að skrifa um og las svo bloggið hans og fékk góða hugmynd. 

Hugur okkar eða hugsunarháttur er svoldið merkilegur. Þú ert það sem þú hugsar er stundum sagt. En þegar ég spái betur í því að ef ég hugsa neikætt um sjálfan mig eða aðra að þá er það ekki sannleikurinn um mig eða þá sem ég hugsa um á neikvæðan hátt.

Ég er svona nokkurnvegin viss um það að fólk er duglegra að finna eitthvað að hjá öðrum eða sjálfum sér í stað þess að hugsa eitthvað jákvætt um sig og hrósa öðrum. Mér var einu sinni bennt á þetta. Það var sagt við mig, sérðu ekki alla jákvæðu hlutina sem eru að gerast hjá þér?  þú ert að gera fullt af góðum hlutum en svo einn rangan sem þú svo brýtur þig niður fyrir og skyggir á hitt.

Fyrir mig að breyta því hvernig ég hugsa var og er tallsverð þjálfun. En það er samt þess virði að hugsa jákvætt um sig og horfa á kostina. Ég er alls ekki að segja að maður eigi að afneita brestum sínum eða takmörkunum í því sem maður getur gert. Ég trúi því að við séum öll sköpuð takmörkuð og með bresti. Ástæðan fyrir því að ég ´trúi þessu er tvennt. Sú fyrsta er að þegar við viðurkennum takmörk okkar að þá sjáum við að fólk í kringum okkur, vinir fjölskilda oflr skipta máli fyrir okkur. Annað atriðið er það að við erum sköpuð með bresti því að við þurfum á náð Guðs að halda. Það er mjög mikill léttir fyrir mig að þurfa ekki að geta gert allt rétt eða kunna allt.

Samt er einn jákvæður punktur sem ég vil skila eftir er að hver maður hefur 500-700 hæfileika... Þannig að enginn getur sagt að hann eða hún geti ekki neitt. Þínir hæfileikar skipta máli og það er góður punktur sem mér var kenndur. Ef þú prufar eitthvað og þú sérð að hæfileikar þínir liggja ekki á því sviði, ekki líta á það sem mistök heldur semt tilraun til að finna út hvar hæfileikar þínir liggja.

smá pása

ég ætla að taka mér smá pásu hérna og færa mig aftur yfir á minnsirkus...   http://sigvardur1.minnsirkus.is

Brandari dagsins..

þessi brandari er svoldið nettur en mæli með því fyrir viðkvæmar helgislepjur að láta hann eiga sig hahahahaha....

Ég held að eitthvað alvarlegt ami að mér,” sagði Guðmundur við lækninn sinn.
“Annað eistað á mér er orðið blátt á litinn.”
Læknirinn skoðaði Guðmund vandlega og komst að þeirri niðurstöðu að það yrði
að fjarlægja eistað til að bjarga lífi hans.
Læknirinn var þó góða stund að sannfæra Guðmund um nauðsyn þess.

Tveimur vikum eftir aðgerðina kom Guðmundur aftur og sagði skelfdur við
lækninn að nú væri hitt eistað orðið blátt.
“Við neyðumst til að nema það í burtu líka,” sagði læknirinn alvarlegur á
svip. “Annars geturðu dáið.”

Tvær vikur liðu og enn var Guðmundur mættur til læknisins.
“Nú hlýtur eitthvað hryllilega alvarlegt að ama að mér því lillinn er orðinn
kol blár á litinn,” sagði Guðmundur á barmi taugaáfalls.
Læknirinn skoðaði hann vandlega og felldi síðan þann dóm að ef Guðmundur
ætlaði að halda lífi yrði að skera vininn af.
“Hvernig fer ég að því að pissa ef þú skerð hann af,” kveinaði Guðmundur.
“Við setjum bara plastslöngu í staðinn,” sagði læknirinn hughreystandi.
Síðan fór Guðmundur í aðgerðina og allt gekk vel.

Innan nokkurra vikna var hann þó, enn og aftur, mættur á skrifstofu
læknisins. Nú var hann reiðilegur á svip.
“Læknir, plastslangan er orðin blá! Hvað er eiginlega í gangi?”
Læknirinn fórnaði höndum af undrun og tók til við að rannsaka Guðmund.
“Hmmmm,” sagði hann eftir smástund.
“Getur verið að gallabuxurnar þínar láti svona mikinn lit?” 

Kraftur Guðs sem frelsar okkur...

   

Kraftur Guðs sem frelsar okkur...

Sigvarður Halldóruson

Það sem mig langar að skoða er afhverju Páll segir að það sé kraftur Guðs sem frelsar okkur...

^Róm.1:16Ég fyrirverð mig ekki fyrir fagnaðarerindið. Það er kraftur Guðs sem frelsar hvern þann mann sem trúir, Gyðinginn fyrst og aðra síðan.

Sumir velta því eflaust fyrir sér hvað er það að fyrirverða sig fyrir trúnna. Það sem þetta á við er skömm, að skammast sín fyrir að trúa á frelsarann. Hver kannast ekki við það að hafa oft ekki þorað að segja frá trú sinni. En það er bara í þeim tilvikum þar sem einstaklingar hafa ekki kraft til að standa fyrir trú sinni líkt og Pétur gerði þegar hann afneitaði Jesú. En Páll segir að það sé óþarfi að skammast sín, vegna þess að það sé kraftur Guðs sem frelsar okkur en ekki okkar eigin verk. Eina sem við getum gert við þessa frelsisgjöf er að meðtaka hana af náð.

^Post.1:8En þér munuð öðlast kraft er heilagur andi kemur yfir yður og þér munuð verða vottar mínir í Jerúsalem og allri Júdeu, í Samaríu og allt til endimarka jarðarinnar."

Jesús sagði við lærisveina sína að þeir myndu öðlast kraft er Heilagur Andi kæmi yfir þá. Það var það sama með lærisveinana og Jesús að þeir byrjuðu ekki að starfa fyrr en kraftur Guðs kom yfir þá og það var ekki fyrr en Heilagur Andi kom og fyllti þá. Það gildir það sama í dag, við getum ekkert gert eða okkur verður ekkert ágengt með því sem við gerum í Guðsríkinu nema að meðtaka Heilagan Anda inn í líf okkar og starfa í hans krafti.

Sumar þýðingar hafa þýtt þetta þannig að orðið að fyrirverða kemur ekki fyrir, heldur er þetta útlagt á þann hátt: Ég er stolltur að geta boðað fagnaðarerindið... Það er líka það sem við eigum að vera, stollt að tilheyra konungnum Jesú Kristi... Jesús sagði líka ef við myndum skammast okkur fyrir hann að þá myndi hann skammast sín fyrir okkur, frammi fyrir Föðurnum og englum himins.

En að kraftinum. Eitt af því skemmtilegasta sem mér finnst að skoða er að skoða þá staði þar sem er vitnað í kraft Guðs og það þurfi að hleypa Guði að þegar við erum að starfa fyrir hann. Því að okkar kraftur megnar ekkert en kraftur Guðs getur allt. Og þegar maður fær þessa opinberun að það sé Guð sem vinnur verkið en ekki við að þá fara hlutirnir að gerast.

^Fil.2:13Því að það er Guð sem verkar í ykkur bæði að vilja og að framkvæma sér til velþóknunar.

Ein af þeim ástæðum sem voru til þess að Páll skammaðist sín ekki fyrir að flytja orð Guðs var vegna þess að hann vissi það að orðið væri lifandi og máttugt.

^Heb.4:12Því að orð Guðs er lifandi og kröftugt og beittara hverju tvíeggjuðu sverði og smýgur inn í innstu fylgsni sálar og anda, liðamóta og mergjar, það dæmir hugsanir og hugrenningar hjartans.

Það er vegna þess að orð sannleikans sem er talað að við förum að endurfæðast. Þá er átt við að við þurfum að nærast á orði Guðs til að breytast og bakvið orð Guðs er kraftur hans sem breytir okkur, þegar við höfum meðtekið Heilagan Anda inn í líf okkar.

^Jak.1:18Hann ákvað að láta orð sannleikans vekja okkur til lífs til þess að við skyldum vera frumgróði sköpunar hans.

^1.Pét.1:23Þið eruð endurfædd, ekki af forgengilegu sæði heldur óforgengilegu, fyrir orð Guðs sem lifir og varir. ²⁴Því að allir menn eru sem gras og öll vegsemd þeirra sem blóm á grasi, grasið skrælnar og blómið fellur. ²⁵En orð Drottins varir að eilífu.
Og þetta orð er fagnaðarerindið sem ykkur hefur verið boðað.

Eflaust gæti komið upp í huga þinn hvað er óforgengilegt og hvað er forgengilegt. Forgengilegt er eitthvað sem er stundlegt en óforgengilegt er eitthvað sem er eilíft. Það sem er átt við að Orð Guðs er eilíft og varir að eilífu.  

Fyrir trúnna og Orðið að þá varðveitumst við, fyrir kraft Guðs til frelsunar. Fólk frelsast þegar það fær að heyra orð Guðs. Þegar orð Guðs er talað að þá gerist eitthvað í lífi okkar og þegar Orð Guðs hefur unnið sitt verk í hjarta okkar að þá verðum við meðtækilegt fyrir því að veita Jesú Kristi viðtöku sem frelsara okkar. Þegar við höfum svo meðtekið Krist inn í líf okkar og tekið það hlýðniskref að skírast til Jesú Krists að þá fáum við  að gjöf Heilagan Anda. Þá fáum við kraft inn í líf okkar og Orðið fer að vera meira lifandi fyrir okkur.

^1.Pét.1.5Kraftur Guðs varðveitir yður sem trúið til þess að þér öðlist hjálpræðið sem albúið bíður þess að opinberast á efsta degi.

Við sjáum það aftur að það er kraftur Guðs sem varðveitir okkur. Þeir sem lifa í krafti Guðs eru þeir sem varðveitast. Ég veit ekki dæmi þar sem menn hafa verið í kraftinum og afneitað honum á sama tíma eða vilst frá. En ég veit dæmi um fólk sem dofnar í samfélaginu og fjarlægist Guð og viðheldur ekki kraftinum í lífi sínu og fjarar út. Þannig að mikilvægur lykill af því að varðveitast í trúnni er að lesa orðið og lifa í Krafti Heilags Anda.

^Efes.1:19og hve kröftuglega hann verkar í okkur sem trúum. En þetta er sami áhrifamikli, kröftugi mátturinn ²⁰sem hann lét koma fram í Kristi er hann vakti hann frá dauðum og lét hann setjast sér til hægri handar á himnum,

Krafturinn sem við meðtökum inn í líf okkar er sami kraftur og reysti Jesú upp frá dauðum. Vegna þess að kraftur Guðs er fyrir okkur vegna þess sem Jesús gerði á golgata. Hann tók okkar stað og í staðinn fáum við að taka hans stað og meðtaka þennan kraft inn í líf okkar. Þá erum við ekki að tala um neinn diet kraft, heldur allvöru kraft Guðs sem er handa hverjum þeim er trúir. Þú þarft ekki að hafa gengið í Biblíuskóla til að fá þennan kraft inn í líf þitt. Þú þarft ekki að vera eitthvað númer í kirkjunni þinni til að fá þennan kraft, þú þarft ekki að vera skráður sem fyrirbiðjandi eða einhver predikari. Þessi kraftur er handa öllum þeim sem trúa. Sem segir það að allir sem meðtaka Jesú Krist sem Drottinn sinn og frelara geta gert sömu verk og hann gerði þegar hann var á jörðinni. Þessi kraftur tilheyrir þér. Og þetta er allgjörlega óverðskuldað, því að krafturinn er gjöf til þín, við getum ekkert gert til að vinna okkur inn kraft Guðs. Vegna náðarinnar að þá hafa allir þeir sem trúa jafna möguleika að vinna mikil verk fyrir Guð vegna þess að sami kraftur og reysti Jesú upp frá dauðum er innra með okkur og það er okkar að læra nota hann undir leiðsögn Heilags Anda, sem kemur að því að við verðum að læra að hlusta eftir röddu Guðs og hlusta á það sem Heilagur Andi hefur að segja okkur.

^1.Kor.1:18Því að orð krossins er heimska þeim er stefna í glötun en okkur sem hólpin verðum er það kraftur Guðs.

Það er kraftur í orði Krossins og þeim sem veita því viðtöku er það kraftur Guðs en þeim sem vilja fara sínar eigin leiðir og glatast er það heimska.

Fagnaðerindið er kröftugt í höndum Guðs og þess verks sem Jesús vann á golgata og hefur ekkert með okkar eigin verðleika að gera.

^Róm.5:6Meðan við enn vorum vanmegna dó Kristur á settum tíma fyrir óguðlega.

Lögmálið gat ekki frelsað okkur og ekki okkar eigin verk...

^Róm.8:3Það sem lögmálinu var ógerlegt, þar eð það var vanmegna gagnvart sjálfshyggju

 mannsins, það gerði Guð með því að senda sinn eigin son í líkingu syndugs manns gegn syndinni og dæma syndina í manninum. ⁴Þar með gat réttlætiskröfu lögmálsins orðið fullnægt hjá okkur sem andinn fær að leiða en ekki sjálfshyggjan.

Þannig að við sjáum að fagnaðarerindið sem eru góðu fréttirnar er kraftur Guðs til þeirra sem veita orðinu viðtöku. Guð setti kraft sinn í orð sitt og í orði Guðs er kraftur til frelsunar.

Páll talar um í upphafsversinu sem ég er að skoða að góðu fréttirnar um að Jesús frelsar eru fyrir alla þá sem trúa. Þá skiptir engu máli hvert þjóðerni þitt er, úr hvaða umhverfi þú kemur, hvaða fjölskildu þú tilheyrir, hvernig húðlitur þinn er, hver þyngd þín er, hver hæð þín er, hver menntun þín er. Jesús vill frelsa þig, og það skiptir ekki heldur máli hvað þú hefur gert af þér eða hvaða mæli þú notar á þig til að réttlæta það sem þú hefur gert. Vegna þess að frammi fyrir Guði eru allir menn sekir.

^Róm.3:23Allir hafa syndgað og skortir Guðs dýrð ²⁴og Guð réttlætir þá, án þess nokkur verðskuldi það, af náð með endurlausn sinni í Kristi Jesú.

Af náð verðum við hólpin en ekki fyrir eigin verk, þú verður hólpin af því að segja já við Jesú því hann hefur áhuga á því og frelsar hvern þann er til hans leitar.

En það sem er merkilegt að skoða  er að Gyðingar áttu að heyra fagnarerindið fyrst og síðan hinir. En svo ég vitni aftur í...

^Post.1:8En þér munuð öðlast kraft er heilagur andi kemur yfir yður og þér munuð verða vottar mínir í Jerúsalem og allri Júdeu, í Samaríu og allt til endimarka jarðarinnar."

Fagnaðarerindið var predikað í þessari röð sem Jesús sagði við þá, þeir byrjuðu í Jerúsalem á meðal Gyðinga, fóru svo til Júdeu , Samaríu og svo út um allan heim.

En afhverju Gyðingum fyrst? Því að í gegnum Abraham kom ný þjóð sem var aðskilin fyrir Guð og kölluðust Gyðingar. Sonur Abrahams sem var Ískak eignaðist svo tvo syni Esaú og Jakob. Jakob náði blessun Föður síns með ráðum, en þeir voru tvíburar og Esaú fæddist á undan og átti því frumburðarréttinn. En Drottinn Guð breytti síðan nafni Jakobs í Ísrael og Ísrael minnir mig að þýði hermaður Guðs. En Ísrael átti 12 syni og út frá þeim koma ættkvíslir Ísraels. Þessar ættkvíslir heita í höfuðið á sonum Ísraels og mynda þær Ísraelsþjóð. Eins og menn vita að þá eru Ísraelar kallaðir Gyðingar. Gyðingar eru útvalin þjóð Guðs og út frá þeim fæddist Jesú. Þannig að Guð Faðir ákvað að fyrst skildi aðskilda þjóð hans fá að heyra það að Messías sem er Kristur væri upprisinn og hann væri sá sem þeir væntu. En það sem Gyðingar voru útvalin þjóð að þá var umskurnin tákn þess að þeir væru útvalin þjóð Guðs sem kom undan Abraham.

^Matt.10:5Þessa tólf sendi Jesús út og mælti svo fyrir: „Leggið ekki leið yðar til heiðinna manna og farið ekki í samverska borg. ⁶Farið heldur til týndra sauða af Ísraelsætt.

Þessa skipun gaf Jesús svo til lærisveina sinna þegar hann senti þá til að predika fyrir öðrum. Fyrir Golgata að þá var Guð, Guð Gyðinga sem voru umskornir.

^Róm.15:8Ég segi að Kristur sé orðinn þjónn hinna umskornu til að sýna orðheldni Guðs og staðfesta fyrirheitin sem gefin voru feðrunum

Þegar Pétur steig frama að þá predikaði hann fyrst í Jerúsalem allveg eins og Jesús hafði fyrirskipað...

^Post.3:26Guð hefur reist upp þjón sinn og sent hann fyrst til ykkar til að blessa ykkur og snúa hverju ykkar frá vondri breytni sinni."

 

 

Eins má vitna í Jesaja sem spáir fyrir um þetta í:

^Jes.2:3og margir lýðir koma og segja: „Komið, göngum upp á fjall Drottins,
til húss Jakobs Guðs svo að hann vísi oss vegu sína og vér getum gengið brautir hans." Því að fyrirmæli koma frá Síon, orð Drottins frá Jerúsalem.

Fagnaðarerndið var predikað Gyðingum fyrst og síðan í þeirri röð sem Jesús segir í Post.1:8... Jerúsalem, í allri Júdeu, Samaríu og svo til alls heimsins...

Núna vitum við það að það er kraftur Guðs sem frelsar okkur en ekki okkar eigin verk og þetta er skemmtilegt að sjá hversu nákvæm ritningin er í því sem hún segir.

Einstök vinátta

 

Einstök vinátta

Sigvarður Halldóruson

 

Þegar maður hugsar um að eiga eitthvað dýrmætt sem er ekki metið til fjár að þá er það góður og traustur vinur. Sannur vinur er sá sem stendur með manni sama hvað gengur á. Þegar á reynir sést hverjir eru vinir þínir og hverjir ekki. Það lítur oft þannig út að þegar við eigum peninga og nóg af öllu að þá vilji allir vera vinir okkar. En þegar auðurinn hverfur fækkar þeim líka. Svona hefur maður séð hjá mörgum og jafnvel upplifað það sjálfur.

En ég veit dæmi um vináttu sem var sönn og einstök. Þetta var vinátta Davíðs Konungs og Jónatans sem var sonur Sáls konungs. Þeir gerðu með sér sáttmála sem þýðir það að þeir tóku stað hvors annars. Það sem er svo merkilegt að skoða er hvernig þeir elskuðu hvern annan. Sumir hafa komið fram með þá villikenningu að þeir hafi verið samkynhneigðir. Það er allgjör vitleysa. Karlmenn geta allveg sagt við hvorn annan að þeir elski hvorn annan og þá er meiningin í vináttu. Margir eru hræddir við að segja þetta orð við, vini sína ég elska þig, því þeir eru svo hræddir um að vera kallaðir hommar. En það er allt í lagi að slaka á og segja þeim sem manni þykir vænt um að maður geri það.

Það  er eitt sem var mjög merkilegt í sambandi við Jónatan og Davíð. Jónatan var prins og sonur konungs. Eðlilegt hefði verið að hann myndi hlakka til að verða konungur eftir föður sinn. En málin horfðu öðruvísi þarna. Jónatan sagði við Davíð þegar þú verður konungur, þá mun ég standa þér við hlið. Þegar Sál faðir Jónatans ætlaði sér að drepa Davíð að þá aðvaraði Jónatan Davíð til að bjarga lífi hans.

En merkilegt er að Jónatan gat alldrei staðið við hlið Davíðs þegar Davíð var konungur vegna þess að hann var látinn. En Davíð sem hafði gert sáttmála við Jónatan fann eitt afkomanda hans sem hann gat sýnt miskunn. Mefibóset hét hann. Þegar Sál og Jónatan létust og Davíð varð konungur að þá var Mefibóset 5 ára gamall. Sú sem var að passa hann, lá svo mikið á að flýja því hún hélt að þau yrðu drepin, í þessum látum missti hún Mefibóset með þeim afleiðingum að hann lamaðist. Hún fór með hann á stað sem kallast Lódebar. Lódebar þýðir auðn eða staður þar sem ekkert er. Þarna var Mefibóset sem átti að erfa fyrirheit frænda síns Jónatans komin á stað þar sem ekkert var og enga blessun að hafa. Hann lifði í ótta að Davíð myndi vilja deyða líf hans.

En það var vegna Jónatans sem Davíð miskunaði Mefibóset. Mefibóset fékk svo að koma í konungshöllina. Við sjáum það sama með Jesú, hann tók okkar stað og vegna hans fáum við að sitja við borð Föðurins vegna Jesú. Þetta kalla ég sanna og einstaka vináttu að vera tilbúin að taka stað einhvers annars til að rétta hlut hans eða hennar...

Afdrif Júdasar...

Matt 27:5-5

Hann fleygði þá silfrinu inn í musterið og hélt brott. Síðan fór hann og hengdi sig.

Post 1:16-18

-16- Bræður, rætast hlaut ritning sú, er heilagur andi sagði fyrir munn Davíðs um Júdas, sem vísaði leið þeim, er tóku Jesú höndum. -17- Hann var í vorum hópi, og honum var falin sama þjónusta. -18- Hann keypti reit fyrir laun ódæðis síns, steyptist á höfuðið og brast sundur í miðju, svo að iðrin öll féllu út.

Það sem ég fór að hugsa þegar ég sá þennan mismun að þarna væru tvær mismunandi útgáfur á því hvernig fór fyrir Júdasi. En gamlar heimildarbækur eins og frá Ágústínus kirkjuföður segja að bæði Matteus og Lúkas hafi rétt fyrir sér með þessar útskýringar. Fyrir þá sem ekki vita að þá er Postulasagan framhald af Lúkasar Guðspjalli og er því Lúkas höfundur postulasögurnar.

En hvernig fær það þá staðist að báðir hafi rétt fyrir sér þegar þeim virðist ekki bera saman á því hvernig Júdas endaði líf sitt. Staðreyndin er sú að Júdas hengdi sig en reypið gaf sig og hann féll til jarðar með þeim afleiðingum að höfuð hans klofnaði og líkami hans þannig að líffærin löfðu út. Þetta er ekki falleg lýsing en svona var þetta.

Það er svoldið erfit að ýmynda sér að einhver sem gekk með Jesú hafi getað svikið hann svona eins og Júdas gerði, en hjarta hans hefur forherðst með þessum afleiðingum...

En hefði hann ekki getað fengið fyrirgefningu ? Jú það hefði hann getað, við sjáum bara Pétur hann afneitaði Jesú þrisvar sinnum.. En Pétur valdi það að iðrast með því að snúa sér til Jesú.. en Júdas valdi það að taka líf sitt fyirr að hafa svikið saklaust blóð..

þetta er svoldið í okkar höndum hvernig við bregðumst við hlutunum...

Hvernig endurreysti Drottinn samfélagið sem glataðist í Eden?

 

Hvernig endurreysti Drottinn samfélagið sem glataðist í Eden

Sigvarður Halldóruson

 

 

 

 

1Mós 1:26-27

-26- Guð sagði: Vér viljum gjöra manninn eftir vorri mynd, líkan oss, og hann skal drottna yfir fiskum sjávarins og yfir fuglum loftsins og yfir fénaðinum og yfir villidýrunum og yfir öllum skriðkvikindum, sem skríða á jörðinni. -27- Og Guð skapaði manninn eftir sinni mynd, hann skapaði hann eftir Guðs mynd, hann skapaði þau karl og konu.

 

Guð skapaði okkur í sinni mynd en á hvaða hátt?

 

Jóh 4:24

Guð er andi, og þeir, sem tilbiðja hann, eiga að tilbiðja í anda og sannleika.

 

Biblían segir að Guð sé Andi og þeir sem tilbiðja hann eiga að tilbiðja hann í anda og sannleika. Þar af leiðandi er þetta sú mynd sem við erum lík Guði eða sköpuð í hans mynd og það er andinn sem við erum. Holdið er ekki skapað nákvæmlega eins og Guðs því að fólk er misjafnt í útliti, menn eru, hvítir, svartir, gulir, mjóir, feitir, litlir, stórir, karl og kvenkyn, allir hafa mismunandi hæfileika , fólk er misjafnt eins og það er margt. Þess vegna er það andinn í okkur sem er skapaður í Guðsmynd.

 

Við erum andi, búum í líkama og erum með sál. Við erum sköpuð til þess að vera með Guði. En þegar við erum ekki tengd við hann að þá er andinn í okkur myrkraður eða sofandi. Við erum þannig sé andlega dauð ef við erum fjarri Guði. En Þegar Jesús kemur inn í líf okkar að þá breytist hugsunarháttur okkar. Við förum að hugsa öðruvísi og förum að breytast í þá mynd se við vorum sköpuð til að vera í, Guðsmynd.. verðum líkari Jesú og það á að vera okkar markmið.

 

Tilgangur sköpunar okkar var fimfaldur. Fyrsti tilgangurinn er sá að Guð skapaði okkur í sinni mynd, fyrir sig og sér til ánægju. Það er að segja að þegar Guð skapaði okkur að þá var hann ánægður. Upphaflega átti þetta að vera svona . Við sjáum bara Adam og Evu. Spá í þeim forréttindum sem þau lifðu í Paradís. Þau þurftu ekkert að erfiða og voru í nærveru Guðs. Það talar um það að Guð gekk um í kvöldsvalanum. Síðan þekkjum við þann part þegar þau óhlýðnast Guði. Eva klikkar fyrst og svo Adam með henni. En það sem ég hef oft velt fyrir mér afhverju var Adam ábyrgur fyrir því að þau féllu? Eva klikkaði fyrst. Til þess að skilja þetta að þá verður maður að skilja að Guð er Guð sáttmálans. Fyrsta stofnunin sem Drottinn setti á fót á jörðinni var hjónabandið sem er bundið sáttmála.

 

1Mós 2:24

Þess vegna yfirgefur maður föður sinn og móður sína og býr við eiginkonu sína, svo að þau verði eitt hold.

Mal 2:14-16

-14- Þér segið: Hvers vegna? Af því að Drottinn var vottur að sáttmálsgjörðinni milli þín og konu æsku þinnar, er þú hefir nú brugðið trúnaði við, enda þótt hún væri förunautur þinn og eiginkona þín eftir gjörðu sáttmáli. -15- Hefir ekki einn og hinn sami gefið oss lífið og viðhaldið því? Og hvað heimtar sá hinn eini? Börn sem heyra Guði til. Gætið yðar því í huga yðar, og bregð eigi trúnaði við eiginkonu æsku þinnar. -16- Því að ég hata hjónaskilnað segir Drottinn, Ísraels Guð, og þann sem hylur klæði sín glæpum segir Drottinn allsherjar. Gætið yðar því í huga yðar og bregðið aldrei trúnaði.

Matt 19:6

Þannig eru þau ekki framar tvö, heldur einn maður. Það sem Guð hefur tengt saman, má maður eigi sundur skilja.

 

Við sjáum að Drottinn segir að það sem hann hefur tengt saman má ekki sundur skilja, og hann segist líka hata hjónaskilnað. Ef Drottinn hefði aðskilið þau að þá væri hann ekki samkvæmur sjálfum sér. Í hjónabandi er maðurinn höfuð fjölskildurnar og þess vegna var Adam ábyrgur og út frá þessum sáttmála féllu þau bæði. Þó svo að þau hafi rofið sáttmála sinn við Drottinn að þá rífur Drottinn ekki sáttmála sinn við okkur þótt við klikkum. Drottinn segir: Ég skal reynast sannorður þótt sérhver maður sé lygari. Guð bregst alldrei ...

 

Þarna er komin aðskilnaður milli Guðs og manna því að synd er komin í heiminn og Guð getur ekki verið þar sem synd er. Guð varð ekki reiður og fékk ekki þá hugmynd að tortíma Adam og Evu fyrir að hafa óhlýðnast. Hann sagði strax við þau ég mun senda son minn til að bjarga ykkur og endurreysa samfélagið sem rofnaði milli okkar núna.

1Mós 3:15

Og fjandskap vil ég setja milli þín og konunnar, milli þíns sæðis og hennar sæðis. Það skal merja höfuð þitt, og þú skalt merja hæl þess.

 

Þessi orð segir Drottinn við satan sem er andstæðingur Drottins. Drottinn segir við hann, ég mun senda son minn til að sigra þig og ná valdinu aftur á jörðinni. En til að skilja þetta betur að þá gaf Drottinn manninum yfirráð yfir jörðinni. En við syndafallið missti maðurinn það í hendurnar á satan. En Drottinn hafði áætlun að ná valdinu aftur á jörðinni en sú áætlun var opinberuð fram að þeim tíma þar til Kristur kom og Drottinn lék á satan. Ef Drottinn og Satan hefðu verið í skák, að þá hefði verk Jesú á Krossinum á golgata sagt skák og mát.

 

En áður Jesús kom þurfti samt margt að koma fram. Dottinn þurfti að sýna okkur að án hans að þá værum við ekki neitt. Í fysta lagi að þá er Drottinn að undirbúa komu Krists allan tíman þar til hann kemur. En sú leið sem Drottinn valdi til að bjarga okkur kallast blóðsáttmáli.  En það er hægt að skrifa margar bækur um þann sáttmála. En ég set bara fram nokkra punkta um það núna. Blóðsáttmáli er fólgin í því að menn gera með sér samkomulag sem er innsiglað með blóði. Sá sáttmáli er órjúfanlegur. Ef tveir menn gera með sér sáttmála að þá eru þeir skuldbundir hvorum öðrum. Ef annar lendir í vandræðum, segjum tildæmis að annar myndi lenda upp á kant við ákveðna aðila sem ætluðu sér að ganga frá honum. Þá væri sáttmálinn þannig að þeir þyrftu þá að sigra hinn sem gerði blóðsáttmálan líka. Þannig að í stað þess að standa einir að þá standa þeir saman. Ef annar lendir í fjárhagserfiðleikum og hinn á nóg af peningum að þá bjargar hann honum. Þannig sáttmála erum við í núna með Kristi, allt sem við eigum, það á Guð, allt sem hann á það eigum við. Þegar einhver ætlar að gera okkur mein að þá þarf hann fyrst að sigra Guð, en það getur enginn sigrað Guð og það veitir okkur öryggi að vera í sáttmála við skapara himins og jarðar. En þegar einhver ræðst á trúnna okkar eða orð Guðs að þá ber okkur skilda til að verja trúnna og Orð Guðs. Þessi sáttmáli er gerður þannig að báðir aðilar verða að halda við sitt loforð.

 

Drottinn gerði þennan sáttmála við Abraham sem er forfaðir okkar. Út frá því fara hlutirnir að gerast.

 

Drottinn sýnir okkur margt í Orði sínu hvernig hann undirbýr komu sonarins í heiminn og hvernig Faðir hann er og hvernig hann annast börnin sín. Við þurfum bara að líta til eyðimerkurfarar Ísraelsmanna sem stóð yfir í 40 ár. Þeim skorti alldrei neitt, hann sá þeim fyrir  fæði og klæði og skjóli og verndaði þá. Þetta hefur ekkert breyst í dag, við sjáum Föðurhjarta Guðs í gegnum þennan tíma og hvernig hann er í dag því hann hefur ekkert breyst og vill annast okkur líkt og hann gerði í eyðimörkinni.

 

Matt 6:25-27

-25- Því segi ég yður: Verið ekki áhyggjufullir um líf yðar, hvað þér eigið að eta eða drekka, né heldur um líkama yðar, hverju þér eigið að klæðast. Er lífið ekki meira en fæðan og líkaminn meira en klæðin? -26- Lítið til fugla himinsins. Hvorki sá þeir né uppskera né safna í hlöður og faðir yðar himneskur fæðir þá. Eruð þér ekki miklu fremri þeim? -27- Og hver yðar getur með áhyggjum aukið einni spönn við aldur sinn?

Matt 6:33

En leitið fyrst ríkis hans og réttlætis, þá mun allt þetta veitast yður að auki.

 

Biblían segir að við eigum að leita fyrst ríkis Guðs og réttlætis. Og þá mun allt þetta veitast okkur að auki. En mig langar að leiðrétta eina allgenga villu sem menn hafa lesið út úr þessu versi. Menn lesa þetta þannig að ef við leitum Guðs að þá mun allt annað veitast okkur að auki. En það er ekki það sem stendur. Það sem stendur er við leitumst eftir því að lifa réttlátu lífi og treystum á Guð að þá mun allt þetta veitast okkur að auki. En hvað á hann við allt þetta? Jú það sem stendur í samhengi í þessum kafla, fæði, klæði og húsnæði. Þegar við erum með Guði að þá annast hann okkur þar sem við erum börnin hans.

 

Annað sem við sjáum þegar Guð Faðir undirbýr komu sonarins í heiminn. Það er lögmálið og boðorðin 10. Lögmálið var sett fram til að sýna okkur fram á það að við værum ófullkomin og að við þyrftum á frelsara að halda. Það var til að sýna okkur að án Guðs að þá erum við ekki neitt. Það var líka til að sýna okkur fram á það að við værum sek frammi fyrir Guði vegna synda okkar og að við gætum ekki unnið okkur inn vist í himnaríki með okkar eigin verkum. Menn reyndu í langan tíma að fara eftir þessu eins vel og þeir gátu en þeir gátu það ekki. Jesús sagði ef að maður myndi brjóta eitt boðorð að þá væri maður sekur við allt lögmálið.

 

Jesús er sá eini sem hefur fullkomnlega farið eftir lögmálinu. Hann var fullkomin fyrir okkur. Jesús er ekki bara okkar réttlæti , heldur hefur hann endurreyst samfélagið við Föðurinn sem glataðist í Eden. Aðeins í gegnum Jesú Krist að þá getum við komið fram fyrir Föðurinn. Guð var ekki lengur fjarlægur eins og hann hafði verið frá syndafallinu og fram að þeim tíma þar til Kristur fullkomnaði fórnina á golgata. Guð er okkur nálægur og þá má líkja þessu við adsl nettenginu. Við erum sítengd við Drottinn. Allt sem við segjum fer beint upp til hans þótt við séum ekki á bæn og þess vegna þar maður að gæta sín á því hvernig maður talar. Því það þýðir ekki að vera fölsk þegar við höldum að enginn heyri til og vera svo svaka heilagar helgislepjur þegar við komum fram fyrir Föðurinn. Við eigum að vera alltaf eins og tala bara við hann eins og við tölvum við hvort annað, í virðingu og trausti.

 

Við erum sköpuð til að vera í nærveru Guðs og þegar við erum ekki með Guði að þá hugsum við öðruvísi en við vorum vön að gera þegar við lifðum í heiminum. Það er vegna þess að núna lifum við undir áhrifum Heilags Anda og Biblíunar sem er innblásið orð hans.

 

Að reyna lifa lífinu án Guðs má líkja við bát sem siglir út á haf án þess að hafa áttavita og hann veit ekkert hvert hann stefnir eða hver tilgangur hans er.

 

Núna er tækifæri fyrir þá sem hafa ekki gert upp hug sinn að ganga inn í tilgang sköpunar sinnar og til samfélags við Föðurinn í gegnum Jesú Krist. Einu skilyrðin til að eignast þetta samfélag er að fylgja því sem stendur í  Róm 10:9-10

-9- Ef þú játar með munni þínum: Jesús er Drottinn og trúir í hjarta þínu, að Guð hafi uppvakið hann frá dauðum, muntu hólpinn verða. -10- Með hjartanu er trúað til réttlætis, en með munninum játað til hjálpræðis.

 

Jesús er eina leiðin inn í himininn...

 

Jóh 14:6

Jesús segir við hann: Ég er vegurinn, sannleikurinn og lífið. Enginn kemur til föðurins, nema fyrir mig.