Gamalt ljóð frá 2002

  

          Spurull um heimsku heimsins.

             Sigvarður Halldóruson

   (Guðs gjöf) Sumarið 2002 á Ísafirði.

 

 

Túngötuskríli fer á ferð með rjóma og ís.

Sólin hátt á lofti er og bræðir ísinn.
Svo er talað um ást sem bræðir allan klaka.
Mannaást hvað er hún?

Því fíkninni er hún undirgefin.
Hvað fær þá staðist fíknina?
Mun sólin geta brætt hana?
Það er aðeins eitt sem er sterkara en fíknin.
Það er Jesús því hann hefur sigrað dauðans mátt.

Hví lifa þá svona margir fastir í fjötrum fíknarinnar?
Hvað er til ráða ? afhveju sér fólk ekki sannleikan?
Mér er það hugleikið hví fólk er svo heimskt að fara sína eigin leið.
Líf án Jesús er glatað líf.
Orð Guðs segir fel Drottni vegu þína og þér mun vel farnast.

Því að lifa í fjötrum þegar þú getur verið frjáls?

Fann gamla predikun frá árinu 2003

           Á hvaða grundvelli erum við að byggja líf okkar?

                   Höfundur: Sigvarður Halldóruson undir leiðsögn Heilags Anda

 

(1.Kor.3:10-15.  10. Eftir þeirri náð, sem Guð hefur veitt mér, hef ég eins og vitur húsameistari lagt grundvöll en annar byggir ofan á. En sérhver athugi hvernig hann byggir. 11. Annan grundvöll getur enginn lagt en hann en þann, sem lagður er sem er Jesús Kristur. 12. En ef einhver byggir ofan á grundvöllinn gull, silfur, dýra steina, tré, hey eða hálm, 13. þá mun verk hvers um sig verða augljóst. Dagurinn mun leiða það í ljós, af því að hann opinberast með eldi og eldurinn mun prófa hvílíkt verk hvers og eins er. 14. Ef nú verk einhvers fær staðist,það er hann byggði ofan á , mun hann taka laun. 15. Ef verk einhvers brennur upp, mun hann bíða tjón. Sjálfur mun hann frelsaður  verða, en þó eins og úr eldi.) (Lúk.6:46-49.  46. En hví kallið þér mig herra, herra og gjörið ekki það sem ég segi? 47. Ég skal sýna yður hverjum sá er líkur,sem kemur til mín, heyrir orð mín og breytir eftir þeim. 48. Hann er líkur manni, er byggði hús, gróf djúpt fyrir og grundvallaði það á bjargi. Nú kom flóð og flaumurinn skall á því húsi, en fékk hvergi hrært það vegna þess að það var vel byggt. 49. Hinn er heyrir og gjörir ekki er líkur manni, sem byggði hús á jörðinni án undirstöðu. Flaumurinn skall á því, og  það hús féll þegar og fall þess varð mikið.")

 

Á hvaða grundvelli erum við að byggja líf okkar? Erum við að byggja líf okkar á orði Guðs eða erum við að byggja upp líf okkar á tilfinningum? Hvað er að byggja trú sína upp á tilfinningum? Jú þannig er það ef ég læt stjórnast af því hvernig mér líður hvort ég komi á samkomur  eða leita Guðs að þá er ég að byggja upp trú mína á tilfinningum. Ef við erum í fýlu út í einhvern og neytum að koma í kirkjuna að þá er trú okkar byggð á tilfinningum. Ef við erum löt og nennum ekki að koma á samkomur að þá er trú okkar byggð upp á tilfinningum því við látum letina stjórna okkur og leti er synd. Ef ekkert gengur upp hjá okkur og okkur finnst allt vera í klessu. Hvað gerum við þá ? Færum við okkur nær Guði og leitum hans?

(Matt.6:33. En leitið fyrst ríkis hans og réttlætis, þá mun allt þetta veitast yður að auki.)

Eða gerum við ekki neitt ? Mér dettur eitt sniðugt í hug lífið er eins og sigling sá sem á ekki samfélag við Guð stefnir bara í einhverja átt eins og bátur sem hefur engan áttavita og veit ekki hvert líf hans stefnir. En sá sem á samfélag við Guð og breytir eftir orðum hans hann veit hvert líf hans stefnir og hefur Jesú sem leiðsögumann. Það sem maður á að gera þegar erfiðleikar koma að þá á maður að halda áfram í göngu sinni með Guði vitandi að maður sé ekki einn heldur er Guð með okkur.Ef vandamál koma upp að þá er engin lausn í því að hlaupa í burtu. Því er gott að temja sér það ráð að hlaupa alldrei í burtu frá vandamálunum hversu stór sem þau kunna að vera. Hvaðan fáum við þá andlegu næringu sem við höfum? Fáum við hana úr tónlistinni sem við heyrum í útvarpinu? Fáum við hana úr sjónvarpinu? Eða erum við að fylla okkur upp af orði Guðs?

Jesús sagði að við gætum ekki drukkið ferskt vatn úr beiskum brunni. Ef brunnurinn er við það er okkar andlega fæða að hvernig getum við þá ætlast til þess að undur og tákn muni gerast fyrir okkar hendur þegar við erum sjálf menguð af heiminum. Jesús sagði að við irðum eins og lækir lifandi vatns og ekki myndi ég vilja smakka á menguðu vatni ég vil hafa það hreint. Við erum musteri Heilags Anda og við getum ekki fyllt musterið að drullu því það á að vera hreint. Þess vegna á vatnið sem út frá okkur kemur að vera tandurhreint. Og hvernig getum við haft musterið hreint?

Jú við lesum orð Guðs í Biblíunni því orðið er eins og vatnið. Orðið það heinsar okkur að innan og gerir okkur hrein á sama hátt og vatnið þrífur okkur að utan. Þess vegna skiptir miklu máli að fylla sig af orði Guðs á hverjum degi og það skiptir máli að við tölum við Jesú í bæn á hverjum degi. Því að sá kraftur sem býr innra með okkur vex ef við helgum okkur með lestri í orði Guðs og tölum við Drottinn í bæn. Það er ekki nóg að koma á samkomur einu sinni í viku og láta það gott heita. Ef við fáum ekki okkar andlegu fæðu frá Guði að þá munum við gefast upp. Ef við viljum standast eldraunina á dómsdag að þá er eins gott fyrir okkur að byggja líf okkar upp á orði Guðs. Það sem einn maður sagði þegar hann var spurður hvernig hann fór að því að byggja söfnuð út frá 15 manns upp í 750,000 manns að þá sagði hann að hlýðni þyrfti að fylgja bænum okkar.

Við eigum ekki að vera biðja eitthvað út í loftið. Við þurfum að kynnast Heilögum Anda og biðja hann um að leiða okkur í bæn svo við getum beðið í Guðsvilja. Við þurfum að muna að við þurfum að trúa því sem við erum að biðja. Það er ekkert vit í því að mæta á bænastundir og þylja upp einhverjar svakalegar þulur og meina ekkert með því. Bænin hún byrjar frá hjarta Guðs og hvernig getum við ætlast til þess að læra þekkja vilja Guðs ef við nennum ekki að lesa Biblíuna og fara eftir því sem hún segir. Það er alltof allgengt að fólk taki vissa hluti sem hentar þeim og tekur svo aðra hluti úr og segja að við þurfum ekkert að fara eftir öllu því þetta hentar nú ekkert allveg fyrir líf þeirra eða nútíman. En samt sem áður að þá segir Biblían að himinn og jörð munu líða undir lok og allt sem á jörðinni er. En orð Guðs mun alldrei líða undir lok og enginn stafkrókur falla úr gildi.

Og ég spyr hver erum við að hagræða orði Guðs eftir okkar vilja og þörfum. Við verðum að gera okkur grein fyrir því að við getum ekki staðist eldraunina á dómsdag ef við hagræðum öllu eftir okkar þörfum við þurfum að hlýða Guði. Það er heldur ekki alltaf þægilegt að heyra sannleikan en við þurfum á því að halda að fá stundum hlutina yfir okkur eins og kalda vatnsgusu. Það er ekkert auðvelt að gera vilja Guðs. Það er miklu auðveldara að gera ekki neitt. En ef við gerum ekkert að þá skeður ekkert, það er bara staðreynd að það er hundleiðinlegt ef ekkert gerist og hlutirnir eru alltaf eins. Ef við viljum sjá eitthvað gerast að þá verðum við að helga okkur og afhenda Guði hluti í lífi okkar sem eiga ekki að vera. Guð vill allt eða ekkert. Við getum ekki fylgt Guði heilshugar og elskað heiminn um leið, við þurfum að velja.

(1.Jóh.2:15-17. 15. Elskið ekki heiminn, ekki heldur þá hluti sem í heiminum eru. Sá sem elskar heiminn, á ekki í sér kærleika til föðurins, 16. Því að allt það sem í heiminum er fýsn holdsins og fýsn augnanna og auðæfa-oflæti, það er ekki frá Föðurnum, heldur er það frá heiminum. 17. Og heimurinn fyrirferst og fýsn hans, en sá sem gjörir vilja Guðs varir að eilífu.)

Við verðum að velja hvorn veginn við viljum ganga hvort við göngum þrönga veginn sem liggur til lífsins eða þann breiða sem liggur til glötunar.Það er ekki auðvelt að ganga veg Drottins en við getum það með hjálp Heilags Anda. Hvað ætlum við að gera þegar Jesús kemur aftur að sækja þá sem honum tilheyra? Ætliði að vera skemmta ykkur að hætti heimsins og verða ykkur til skammar? Eða ætliði að vera brennandi fyrir Drottinn og vera verkamaður sem fer rétt með orð sannleikans og breytir eftir þeim? Það verður of seint að ætla vera allt í einu 100% fyrir Jesús þegar hann kemur aftur við þurfum að vera 100% núna í dag. Við verðum að kjósa hvern dag að ganga með Jesús.

Ef okkur mistekst oft og við gerum fullt af hræðilegum hlutum að þá eigum við árnaðarmann á himnum sem heitir Jesús Kristur. Jesús sigraði syndina og úthelti blóði sýnu til fyrirgefningar öllu mannkyni svo við mættum vera frjáls undan oki djöfulsins. Við megum ekki láta mistök draga okkur frá Guði, Kærleikur Guðs til okkar er stærri en mistökin okkar. Og hvernig ætlum við að vera frjáls ef við nennum ekki að lesa og biðja?  Við verðum að stíga upp úr mistökunum okkar því það er mannlegt að falla, djöfullegt að liggja og Guðdómlegt að stíga aftur upp úr mistökunum.Við megum ekki vera með hálfvelgju

(Opinb.3:15-19.  15. Ég þekki verkin þín að þú ert hvorki kaldur eða heitur. Betur að þú værir kaldur eða heitur. 16. En af því að þú ert hálfvolgur mun ég skyrpa þér út af munni mínum. 17. Þú segir: ,,Ég er ríkur  og orðin auðugur og þarfnast einskis." Og þú veist ekki að þú ert vesalingur og aumingi og fátækur og blindur og nakinn. 18. Ég ræð þér,að þú kaupir af mér gull skírt í eldi, til þess að þú verðir auðugur, og hvít klæði til að skýla þér með, að eigi komi í ljós vanvirða nektar þinnar, og smyrsl að smyrja með augu þín, til þess að þú verðir sjáandi. 19. Alla þá sem ég elska tyfta ég og aga. Ver því heilhuga og gjör iðrun. )

Það er ekki góð tilfinning að vita til þess að maður getur átt það í hættu með að Guð skyrpi manni út úr munni sínum. Við megum ekki vera að eyða tíma í að skammast okkar fyrir að vera Kristinn.

(Lúk.9:26. En þann sem blyggast sín fyrir mig og mín orð mun mannsonurinn blygðast sín fyrir er hann kemur í dýrð sinni og föðurins og heilagra engla.)

Lífið hér á jörðinni er próf hvort við getum lifað í eilífðinni með Guði. Ef við getum ekki lifað hér á jörðinni með Drottni, hvernig ætlumst við þá að lifa með honum í eilífðinni. Það er mjög heimskulegt að hafna lífinu með Guði á jörðinni og ætlast til þess svo að vera hólpin og lifa með honum í eilífðinni. Biblían segir að við séum brúðir Krists. Og allar brúðir þurfa undirbúning fyrir brúðkaup sitt. Ef við erum brúðir Krists að þá þurfum við að elska hann og eiga lífið í honum svo við getum verið hólpin á dómsdag. Við þurfum að hafa augu okkar á Jesú því það er hann sem gefur okkur eilíft líf og frelsar okkur undan oki djöfulsinns.

Ef erfiðleikar koma upp að þá skulum við horfa á Jesú og svo vandamálið. Því Jesús er stærri en vandamálin okkar. Það er hundleiðinlegt að vera kristinn ef maður kemur bara á samkomur og nennir ekki að gera neitt. Við verðum að koma á samkomur með eftirvæntingu og vera hlakkandi til í hjarta okkar og spyrja okkur sjálf hvers vænti ég af þessari samkomu. Ætla ég að fara af samkomunni sem breyttur maður eða ætla ég bara koma bara til þess að koma. Ef við komum ekki með væntingar til Guðs og þrá í hjarta okkar að lofa hann að þá gerist ekkert. Þetta er sama með samfélag okkar við Jesús ef við lesum ekki og biðjum daglega að þá gerist ekkert. Biblían segir að við uppskerum eins og við sáum. Ef við nennum ekki að gera neitt fyrir Guð hvernig getum við þá ætlast til þess að hann geri allt fyrir okkur.

Það er ekki Guðs vilji að við séum bara heimtandi og gefum ekkert af okkur. Við getum ekki litið á Guð sem þjón fyrir okkur þegar okkur hentar og sett hann svo alltaf aftur í vasan. Við erum þjónar Drottins það er hann sem gefur okkur fyrirskipanirnar og við eigum að hlýða. Hver var síðasta fyrirskipun Jesús áður en hann fór af jörðinni? Hann sagði farið út með orðið. Þetta var skipun ef við segumst vera Kristinn að þá skulum við sýna það í verki og  hlýða þeim er skóp okkur og kallaði okkur til samfélags við son sinn Jesú Krist. Verum ljós fyrir Jesús því lífið er rétt að byrja þegar þið kynnist honum. Það er rosalega spennandi að fara í trúboð og sjá fólk frelsast og læknast. Það er allveg magnað hvernig Drottinn staðfestir orð sitt með táknum og undrum ef við erum reiðubúinn að fara út með orðið og gera eitthvað fyrir hann.

Mig langar að fá ykkur öll til að lúta höfði því mig langar að biðja Drottinn um að gefa ykkur ástríðu og hungur eftir því að sjá fólk frelsast og að þið fáið hungur eftir því að fylla ykkur af orði Guðs á hverjum degi og að þið fáið ykkar andlegu fæðu frá Guði en ekki heiminum og að þið megið byggja líf ykkar á orði Guðs. Fagnaðarerindið snýst um að fólk frelsist og við verðum að gera eitthvað í því, vegna þess að það eru alltof margir hér á Íslandi á hraðri leið til helvítis og hvað ætlum við að segja við Guð á dómsdag þegar hann spyr okkur hvað við höfum gert fyrir hann? Ætlum við að segja æji ég bara nennti þessu ekki það var svo mikið annað að gera og fá það svar til okkar þú ílli og lati þjónn far þú út í ystu myrkur þar sem gnístran tanna verður og eilíf kvöl og aðskilnaður frá Guði? Eða ætlum við að vera trú í því sem Guð hefur sett okkur í og fá að heyra gott þú góði og trúi þjónn gakk þú inn í fögnuð herra þíns? Ykkar er valið þess vegna vil ég hvetja ykkur til að helga ykkur. Og ef ykkur vantar aðstoð í að læra að biðja og lesa daglega í Biblíunni að þá getið þið alltaf leitað til mín og ég reyni að hjálpa ykkur eftir fremsta megni.

Bæn....... Eftir bænina: Það er eitt gott ráð sem ég vil deila með ykkur áður en stundinni líkur. Það er að við skulum læra af Jesú hvernig hann kom fram við fólk því hann hefur fullkominn kærleika. Við mennirnir erum svo takmarkaðir og komum alltaf til með að gera mistök. Sem þýðir það að við verðum að læra að fyrirgefa hvoru öðru. Takiði Jesú til fyrirmyndar. Allir þurfa að hafa sína fyrirmynd mörg börn hafa yfirleitt teiknimyndapersónur, söngvara eða íþróttamenn sem fyrirmynd og reyna að líkja eftir þeim þannig skulum við hafa Jesú sem fyrirmynd og reyna að líkjast honum á allan hátt. Og hvernig gerum við það jú við lesum í Biblíunni hvernig hann kom fram við fólk og reynum að líkjast honum eins mikið og við getum.

Hugleiðing um ástina og þörfina að vera elskaður eða elskuð

Allir hafa þá þörf fyrir að vera elskaðir. Sumir finna ástina snemma og aðrir seint. Sumir leita og leita en ekkert gengur. Sumir finna hamingjuna en líða svo skipbrot því að makinn hefur haldið framhjá eða yfirgefið aðilan. Upp kemur sárindi, reiði og sorg. Sumir takast á við missinn og sigrast á aðstæðum. Sumir eiga erfitt með að sætta sig við aðstæður en aðrir ekki.

Sumir sætta sig ekki við að ástin í lífi þeirra sé farin, eða hafi yfirgefið þá, og læra ekki að lifa í sátt með sjálfum sér og öðrum. Sumir upplifa höfnun og missa jafnvel sjálfsvirðinguna og missa sig í hugsanir eins og er ég ekki nógu góð(ur)? Sumir byrja leit að annari ást til að fylla í sárin og upplifa hamingjuna aftur. Sumir leita og leita en upplifa ekkert nema skipbrot eftir skipbrot, höfnun eftir höfnun og margar neikvæðar tilfinningar. Sumir setja á sig grímur og fara stunda þann leik að ná byrjunarstigi á sambandi eða byggja upp spennu og slíta því svo til þess að hinn aðilinn særi þau örugglega ekki.

Margar eru grímurnar þeirra sem brotnir eru. Hvað er ást okkar mannana hún er alltaf að bregðast, hún er svo ófullkomin og breysk. En samt þráum við það að vera elskuð og leitum oft á röngum stöðum af ástinni. Til er ein ást sem alldrei bregst og það er ást Guðs til þín. Það skiptir engu máli hversu góður eða slæmur aðili þú ert að annara mati eða þínu áliti. Guð elskar þig samt, alltaf jafn mikið. Hann heldur ekki framhjá þér, hafnar þér ekki, þú þarft ekki að vinna þér neitt inn hjá honum til þess að hann elski. Hann elskar þig án skilyrða.

Ég var fastur sjálfur í þessu, upplifði ástina, gifti mig en leið skipbrot, sorgin og ósættið náði tökum á mér. Ég fór að leita sjálfur að annari ást því ég vildi ekki vera einn. Ég leytaði og leytaði en ekkert fann. Ég hætti að hafa áhuga á konum sem voru trúaðar því mér fannst ég of skítugur eða ekki nógu góður. Þannig að ég fór á datelínur og alls konar vitleysur. Alldrei fann ég hamingjuna í þeim pakkanum og leið skipbrot eftir skipbrot, gerði mistök eftir mistök. Eina sem ég uppskar var að ég týndi sjálfum mér, hætti að vita hvað það var sem ég vildi og vissi ekkert í minn haus í kvennamálum.

Ég áttaði mig á því að öll sú ást og umhyggja sem ég þarf kemur frá Guði. Ég áttaði mig á því að lækning við höfnun er að þakka Guði fyrir að hann elskar mig. Ég áttaði mig á því að lækning á sjálfsvirðingunni var að þakka Guði fyrir að ég er undursamleg sköpun hans, þakka honum fyrir að ég væri fallegur og skapaður í hans mynd, þakka honum fyrir að ég væri meðtekin, þakka honum fyrir að hann hefur gefið mér nýtt líf. Þegar óttinn kemur þá þakka ég honum fyrir að ég er hugrakkur, því að ótti er ekki í elskunni, fullkomin elska rekur burt óttan. Allar neikvæðar tilfinngar hafa horfið, ég hef öðlast sátt og meðtekið það að ég er elskaður og til er sá sem gefur mér allt sem ég þarf.

Ég átti erftitt með að meðtaka það að ég væri elskaður eða trúa því, og gat þess vegna ekki meðtekið það. En þegar ég fór að þakka Guði fyrir það sem ég taldi fyrir ofan þá fór það að breytast. Ég fór að meðtaka það að ég er elskaður, ég fór að breytast sjálfur, mig langaði að breytast. Ég fór að biðja Guð um að hjálpa mér að elska alla jafnt óháð því hvernig útlit þeirra og annað væri.

Guð fór að sýna mér hluti sem ég var að gera rangt, hvernig ég horfði oft á konur, núna segi ég ekki lengur þessi er ljót eða feit, heldur þegar óvinurinn skítur þessari hugsun í kollinn á mér þá segi ég nei þetta er falleg sköpun Guðs.

Guð sýndi mér líka að ég var alltaf að dæma allt og alla og sjálfan mig í leiðinni. Hann benti mér á að mér hefði alldrei verið boðið sæti í hásæti hans til að dæma aðra. Hann benti mér líka á að mitt hlutverk væri ekki að benda á syndir annara. Hann benti mér á, að benda fólki á krossinn, benda þeim á Jesú, benda þeim á hvað hann hefði gert fyrir það á krossinum og hvernig hann réttlætti okkur, hvað Guð elskar okkur mikið án skilyrða. Ég er breyttur því ég fór að þakka Guði fyrir kærleika hans til mín. Viltu losna við höfnun, neikvæða sjálfsmynd og að dæma aðra og þig? Byrjaðu þá að þakka Guði fyrir það sem ég taldi upp að ofan og allt það sem þér dettur í hug. Ekki gera það bara einu sinni, heldur oft og oft á dag. Þú þarft á því að halda að vera elskuð eða elskaður.

Guð er kærleikurinn, hann elskar þig sama hvað...

Bænagangan í dag

Vildi bara minna á bænagönguna sem er í dag og tónleikana í Laugardalshöllinni.  Gangan byrjar klukkan 2 frá Hallgrímskirkju og síðan verða tónleikarnir í Laugardalshöllinni kl 6.

Mætum öll og biðjum gegn myrkrinu:) 

Hégilja

Ég hef svona verið að skoða nýju Biblíuþýðinguna og  bera hana saman við 81 þýðinguna og svo aftur á móti nýjar enskar þýðingar í dag. En ég hélt svona að þar sem Biblían ætti að færast á nútímalegra mál að þá myndi hún vera auðskiljanlegri.

En það poppar upp orðið hégilja. Þetta orð hef ég alldrei heyrt áður svo ég muni til. Enda ekki mikið notað í mínu umhverfi. Í 1.Tím.4:7 kemur þetta orð fyrir. 81 þýðinginn þýddi vanheilögum kerlingaævintýrum sem þýddi að maður ætti ekki að taka, þátt í baktali, slúðri eða neikvæðu tali. En nýja þýðingin segir vanheilögum hégiljum. Þá er komin allt önnur meining á versið og þannig séð búið að breyta merkingu þess. Ég finn ekki nákvæma merkingu þessa orðs, en það sem ég kemst næst er hjátrú. Þeir sem vita betur mega leiðrétta mig endilega. En sé þetta raunverueg merking orðins, þá þýðir þetta vers ekki lengur að við eigum að hafna því að taka þátt í baktali og slúðri, heldur að við eigum að hafna allri vantrú.  Frumtextin sem orðin hégilja og kerlingarævintýri er þýtt af er muthos.

Muthos er þýtt í King James sem uppspuni. Versið í King James er þýtt þannig, en hafna þú hinu óguðlega og uppspuna gamalla eiginkvenna.

New Living Translation þýðir þetta sem ekki eyða tíma í þras yfir guðlausm hugmyndum  og uppspuna gamalla eiginkvenna

Orðið hégilja sem er eldgamalt og háfleygt er mér hulið afhverju það sé notað í nýju íslensku þýðingunni. Kannski það að háskólarektorar og íslenskufræðingar hafi lagt þær kröfur að þetta orð yrði tekið aftur upp. En hvað á unglingur að halda sem les þetta? hann skilur ekki baun í bala en orðið kerlingarævintýri má allveg misskilja auðveldlega. En það mátti allveg skilja þetta vers, en hafna þú öllum vanheilögum kerlingarævintýrum og æf sjálfan þig í allri guðhræðslu. Það mátti allveg skilja þetta á þann hátt að maður eigi að láta konur sem ganga ekki sama veg og maður sjálfur eiga sig. Þess vegna kemur orðið vanheilög því það er engin blessun í því að fara í sambönd með vantrúuðum því það hefur í flestum tilvikum leitt til þess að ´trúaði aðilinn fer hægt og rólega af vegi sannleikans. En þó svo að vers þýði eitthvað ákveðið, þá má maður alldrei sleppa því að leyfa orðinu að tala til sín. Þetta vers í 81 þýðingunni talaði þetta til mín eins og ég útskýrði en þýðir að taka ekki þátt í því óguðlega eins og slúðri og baktali og þrætum.

Alvæpni Guðs

 Efe 6:10-23
-10- Að lokum: Styrkist nú í Drottni og í krafti máttar hans.

-11- Klæðist alvæpni Guðs, til þess að þér getið staðist vélabrögð djöfulsins.

-12- Því að baráttan, sem vér eigum í, er ekki við menn af holdi og blóði, heldur við tignirnar og völdin, við heimsdrottna þessa myrkurs, við andaverur vonskunnar í himingeimnum.

-13- Takið því alvæpni Guðs, til þess að þér getið veitt mótstöðu á hinum vonda degi og haldið velli, þegar þér hafið sigrað allt.

-14- Standið því gyrtir sannleika um lendar yðar og klæddir brynju réttlætisins

-15- og skóaðir á fótunum með fúsleik til að flytja fagnaðarboðskap friðarins.

-16- Takið umfram allt skjöld trúarinnar, sem þér getið slökkt með öll hin eldlegu skeyti hins vonda.

-17- Takið við hjálmi hjálpræðisins og sverði andans, sem er Guðs orð.

-18- Gjörið það með bæn og beiðni og biðjið á hverri tíð í anda. Verið því árvakrir og staðfastir í bæn fyrir öllum heilögum.

-19- Biðjið fyrir mér, að mér verði gefin orð að mæla, þá er ég lýk upp munni mínum, til þess að ég kunngjöri með djörfung leyndardóm fagnaðarerindisins.

-20- Þess boðberi er ég í fjötrum mínum. Biðjið, að ég geti flutt það með djörfung, eins og mér ber að tala.

-21- En til þess að þér fáið einnig að vita um hagi mína, hvernig mér líður, þá mun Týkíkus, minn elskaði bróðir og trúi aðstoðarmaður í þjónustu Drottins, skýra yður frá öllu.

-22- Ég sendi hann til yðar einkum í því skyni, að þér fáið að vita, hvernig oss líður, og til þess að hann uppörvi yður.

-23- Friður sé með bræðrunum og kærleikur, samfara trú frá Guði föður og Drottni Jesú Kristi.

 

Hver eru alvæpni Guðs?

 

1)      Belti sannleikans.

2)      Brynja réttlætisins.

3)      Skór Fúsleikans.

4)      Skjöldur trúarinnar.

5)      Hjálmur hjálpræðisins.

6)      Sverð Andans.

 

Það sem ég vil skoða er hvernig virka alvæpni Guðs og hvaða tilgangi þjóna þau?

 

Styrkur okkar í trúargöngunni verður að koma frá Drottni því að ef við eigum ekki samfélag við hann og fáum kraft frá honum að þá munum við fljótlega gefast upp í trúargöngu okkar. Við þurfum að klæðast alvæpni Guðs svo við fáum staðist vélabrögð djöfulsins. Hinir ólíku hlutar þessa alvæpnis tákna andlega viðmótið, sem hinn trúaði verður að hafa . Með þessu Alvæpni er hinn trúaði verndaður og ekki hægt að snerta hann í þjónustu valdsins. Allt sem hann þarf að gera, er að viðhalda þessum vopnum vel og íklæðast þeim dyggilega. En nú skulum við skoða hvað þessi alvæpni gera.

 

1)      Fyrsta vopnið er, sannleiksbeltið. Það táknar hreinan skilning á Orði Guðs. Það heldur vopnum okkar á sínum stað, rétt eins og belti hermannsins gerir.

2)      Annað vopnið er brynja réttlætisins, þetta hefur tvöfalda merkingu; Jesús er réttlæti okkar, og að við setjum hann í fyrsta sætið. Það sýnir líka hlýðni okkar við Orð Guðs.

3)      Þriðja vopnið er að fætur okkar eru skóaðir með fúsleik til að flytja fagnaðarboðskap friðarins. Þetta táknar trúfesti í þjónustunni við að breiða út Orð Guðs

4)      fjórða vopnið er skjöldur trúarinnar. Skjöldurinn skýlir öllum líkamanum. Þetta táknar fullkomið öryggi okkar undir blóði Krists, þar sem enginn kraftur óvinarins getur komist í gegn.

5)      Fimmta vopnið er hjálmur hjálpræðisins. Í fyrra Þessalonikubréfi.5;8 er talað um von hjálpræðisins. Von hjálpræðisins er eini hjálmurinn, sem varið getur höfuð okkar á þeim tíma þegar vikið er frá sannleikanum. Þá er átt við að þessi hjálmur ver þig þegar menn fara út í villukenningar eða birja að kenna eitthvað annað en Guðs orð segir.

 

6)   Sjötta vopnið er sverð Andans, sem er Orð Guðs.Þetta sýnir að nota á Orð Guðs til sóknar. Hin vopnin eru aðallega til varnar, en sverðið - Orð Guðs - er vikrt sóknarvopn. Efefs.6.18 segir Gjörið það með bæn og beiðni og biðjið á hverri tíð í anda. Verið því árvakrir og staðfastir í bæn fyrir öllum heilögum. Skilurðu hvers vegna bænabaráttan virkar ekki alltaf? Það er vegna þess að við höfum ekki íklæðst hertygjunum. Við erum fyrst tilbúin í bænabaráttu, þegar við erum skrídd alvæpninu. Bænir beðnar í Andanum framkvæma verkið.

Ekki mín vika

Ég get ekki sagt að þetta sé mín vika núna, eitthvað leiðinlegt sem skeður á hverjum degi og hefur skeð síðan á laugardaginn.

Á laugardaginn tognaði ég í kviðnum

Á sunnudeginum tognaði ég framan á lærvöðva

Á mánudaginn læsti ég mig úti og það var ráðist á mig og endaði með þvi að það þurfti að sauma á mér eyrað oflr áverkar.

Á þriðjudaginn læsti ég mig úti í vinnunni  og aðilinn sem réðist á mig kom með annan með sér og ætlaði að hjóla aftur í mig.

Í dag reyndi svo gaurinn aftur að ögra mér og ég læsti mig úti og fékk svo reikning í hausinn sem ég vissi ekkert um...

Það erfiðasta við þetta allt saman er að þegar menn veitast svona að manni að þá hefði ég í gamla daga lamið hann í klessu. En þar sem maður er frelsaður í dag að þá má maður ekki svara með ofbeldi til baka. Ég fyrirgef honum en það er ekki auðvelt þegar hann kemur alltaf aftur og aftur og man svo ekkert eftir því sem hann gerði... En það er bara að taka æðruleysisbænina á þetta... 

Smá pæling um nokkur atriði ú Rómverjabréfinu

Það sem ég hef verið að hugleiða undanfarið er fyrst syndin er afgreidd og hefur ekki lengur vald yfir þeim sem hafa meðtekið Jesú Krist sem Drottinn sinn og frelsara. Afhverju hrasa þá þessir einstaklingar enþáog misjafnlega oft í það að gera ranga hluti? Þá meina ég hluti sem eru ekki réttir frammi fyrir Guði.

Er maður eitthvað minna kristinn ef maður klikkar á hlutunum? Nei það held ég ekki. Páll útskýrir þetta reyndar mjög vel. Hann talar um það að það séum ekki við lengur sem syndgum heldur sem syndin sem í okkur býr. Það er að segja að hold okkar er selt undir vald syndarinnar. Þegar við vorum án Guðs að þá hugsuðum við á holdlegan hátt og vorum andlega dauð. En það sem gerist þegar við tökum við Kristi að okkar andlegi maður lifnar við. Við erum Andi með sál og búum í líkama. Andinn er sofandi eða myrkraður þegar við erum ekki tengd við Guð . Þess vegna kemur þetta tómarúm þegar maður er án Guðs. Það vantar eitthvað innra með okkur. Eða ekki eitthvað heldur vantar lífið og við náum alldrei að fylla þetta tómarúm með neinum hlutum. Sá eini sem getur það er Jesús Kristur. Þess vegna þegar við höfum tekið við Jesú inn í líf okkar, þá lifnar okkar andlegi maður við. Hugsanir okkar fara að breytast. Þá er eins og við séu, komin með tvískipt eðli sem er í stríði við hvort annað. Páll bendir okkur á í 8 kaflanum að við eigum að lifa í andanum svo við fuullnægjum alls ekki girndum holdsins. Þá á hann við, deyðið gamla manninn með því að vera í samfélaginu við Guð, því að það er eina leiðin til að halda girndinni niðri.

Þannig að það er ekki stríð við syndina sem við erum í, heldur við girndina sem er í holdi okkar. Girndin reynir að tæla okkur til rangra hluta, og gerir allt í andstöðu við kærleikan. Kærleikurinn gefur en girndin tekur. Losti er hluti af girndinni og er ekki hluti af ást þótt sumir haldi það, eða hafi ekki getu í að greyna á milli. Losti flokkast undir holdsins girnd og vekur upp kynferðislegar hugsanir og girndir, lostinn hefur tælt fólk til að framhjáhalds og margra rangra hluta á kynferðissviðinu því hann fær alldrei nóg. lostinn segir gefðu mér mér en gefur ekkert til baka og skilur okkur eftir álíka tóm og autt vatnsglas.

Losti hefur ekkert með raunverulega ást að gera. Þess vegna þurfa þeir sem veikir eru á þessu sviði að deyða lostann með því að , lesa í Biblíunni, tala tungum, hlusta á kristilega tónlist eða gera það sem er uppbyggilegt. Þá á ég við að það á ekki að fóðra girndina , heldur svelta hana og fylla sig af orði Guðs til þess að maður geti staðið stöðugur.

Girndin er ekki bara losti, heldur líka girndin í að eignast meira eða fá meiri völd. Það virðist vera í holdlega eðli okkar að vilja Drottna enda vorum við sköpuð til þess að drottna yfir dýrum jarðar og fiskum sjávar. Þessi girnd í að eignast meira og meira færir mönnum enga hamingju. Ég hef ekki séð að sáttasta fólkið sé það sem á mest. Það er í rauninni á heildina séð nískara en þeir sem eiga minna á milli handana.

Hamingjan er fólgin í að lifa í sátt og samlyndi við Guð og aðra menn í kringum okkur, og lifa í þeim tilgangi sem við vorum sköpuð til, og sá tilgangur er að lifa með Guði. 

Predikunin frá laugardeginum í Keflavík

 

Predikun Keflavík 3 nóv 2007-

Sigvarður:

Róm 2:1-4

-1- Fyrir því hefur þú, maður, sem dæmir, hver sem þú ert, enga afsökun. Um leið og þú dæmir annan, dæmir þú sjálfan þig, því að þú, sem dæmir, fremur hið sama.-2- Vér vitum, að dómur Guðs er sannarlega yfir þeim er slíkt fremja.-3- En hugsar þú það, maður, þú sem dæmir þá er slíkt fremja og gjörir sjálfur hið sama, að þú fáir umflúið dóm Guðs?-4- Eða lítilsvirðir þú ríkdóm gæsku hans og umburðarlyndis og langlyndis? Veist þú ekki, að gæska Guðs vill leiða þig til iðrunar?

 

Það sem er að gera út af við líkama Krists í dag er ekki syndir okkar eða mistök. Jesús er búin að afgreiða syndina í eitt skipti fyrir öll.

Það sem er að gera út af við kirkjuna í dag er sjálfsfordæming og að dæma aðra.

Róm 8:1-2

-1- Nú er því engin fordæming fyrir þá, sem tilheyra Kristi Jesú.-2- Lögmál lífsins anda hefur í Kristi Jesú frelsað þig frá lögmáli syndarinnar og dauðans.

Það sem er að eyðileggja í dag og ýta fólki í burtu er að við erum svo oft að dæma aðra. Kærleikur Guðs á að laða fólk að ekki ýta þeim í burtu. Og ég er ekki komin hér til þess að predika um það hversu syndug við erum, heldur til þess að segja ykkur hversu hrein og fullkomin Jesú blóð gerir ykkur.

Jesús hefur afgreitt syndina í eitt skipti fyrir öll. Vandamálið er ekki lengur þessi mistök sem við gerum. Það eina sem við þurfum að gæta er að lifa í sátt við hvort annað og Drottinn. Allt það sem við höfum syndgað og eigum eftir að syndga hefur okkur verið fyrirgefið. Og þegar Páll talar um Róm.2:4  hvort við séum að lítlvirða ríkdóm gæsku hans umburðarlyndis og langlyndis að þá er hann að spyja okkur hvort við séum búin að meðtaka það sem Jesús er búin að gera fyrir okkur.

Þegar ég frelsaðist þá var það ekki af því að mér var bent á hversu mikill syndari ég væri eða að ég fékk bara allt í einu hugmynd um að fara hlýða boðorðunum 10. Ég var þannig maður að ég braut allar reglur sem ég gat brotið og það var ekki inni í myndinni hjá mér að fara hlýða eða vera heiðarlegur því ég kunni það ekki. Það sem leiddi mig til iðrunar var kærleikur Guðs til mín. Það komu hvergi menn nálægt því að ég snéri mér til hans.

Það sem gerðist er að ég sá hversu góður Guð er og hversu rangur ég var í verkum mínum að mig langaði til að koma til hans. Þetta kvöld hafði ég planað að fremja morð á manni til að hefna mín á honum. Ef menn hefðu vitað hvað ég ætlaði að gera að þá hefði ég verið dæmdur eins og skot. En það gerði Jesús ekki. Hann mætti mér og sýndi mér að hann elskaði mig þrátt fyrir það hversu breyskur ég væri og hann sýndi mér að kærleikur hans til mín og til okkar allra er miklu meiri og stærri en öll mistökin okkar til samans.

Þegar við bendum á aðra sem gera mistök þá fer einn puttinn á þá, einn upp til Guðs og 3 á okkur sjálf. Drottinn opinberaði það fyrir Páli að þegar við erum að dæma aðra þá erum við að dæma okkur sjálf í leiðinni.

Jóh 3:17

Guð sendi ekki soninn í heiminn til að dæma heiminn, heldur að heimurinn skyldi frelsast fyrir hann.

 

 

Jóh 12:47

Ef nokkur heyrir orð mín og gætir þeirra ekki, þá dæmi ég hann ekki. Ég er ekki kominn til að dæma heiminn, heldur til að frelsa heiminn.

 

Biblían segir að við eigum að feta í fótspor Krists:

Fil 2:5

Verið með sama hugarfari sem Jesús Kristur var.

Fyrst Jesús kom ekki til að dæma heldur til þess að frelsa, þá eigum við ekki að vera segjum öðrum hversu miklir syndarar þeir eru. Við eigum að segja þeim hversu Jesús er góður og að hann hafi fyrirgefið þeim í eitt skipti fyrir öll.

Þegar við gerum mistök þá þurfum við ekki á því að halda að það sé verið að benda okkur á hvað við erum vonlaus eða hvað við vorum nú að gera mikil mistök. Það sem við þurfum er að við séum reyst aftur við og fyrirgefið.

Þannig að þegar einhver gerir mistök þá biðjum við Guð um að fara til þess aðila og reysa hann aftur upp. Við förum ekki í síman eða förum að blaðra um syndir annara því það er ekki okkar hlutverk.

Róm 8:1-4

-1- Nú er því engin fordæming fyrir þá, sem tilheyra Kristi Jesú.-2- Lögmál lífsins anda hefur í Kristi Jesú frelsað þig frá lögmáli syndarinnar og dauðans.-3- Það sem lögmálinu var ógerlegt, að því leyti sem það mátti sín einskis fyrir holdinu, það gjörði Guð. Með því að senda sinn eigin son í líkingu syndugs manns gegn syndinni, dæmdi Guð syndina í manninum.-4- Þannig varð réttlætiskröfu lögmálsins fullnægt hjá oss, sem lifum ekki eftir holdi, heldur eftir anda.

 

Takið eftir þessu, það er engin fordæmist sem þýðir að nú dæmist ekki sá sem tilheyrir Kristi Jesú því að orðið fordæming kemur af gríska orðinu catacrima og þýðir réttilega sá dæmist ekki. Við erum leyst frá lögmáli syndar og dauða. Sem þýðir það að þegar við höfum gefið Jesú líf okkar að þá er okkur fyrirgefið það sem við höfum gert og eigum eftir að gera. Það er ekkert lengur syndavandamál því það er afgreitt. Ég er ekki að segja að við eigum að misnota frelsið sem Jesús hefur gefið okkur og leika okkur að syndga. Ég er að boða það að Jesús er búin að afgreiða syndina. Jesús sigraði syndina og þegar þú ert í Jesú Kristi þá er engin synd sem getur haldið þér. Ef þú lifir í þeirri trú að þú sért fastur eða föst í einhverju þá ertu bara að leyfa djöfsa að plata þig svo hann geti fjötrað þig.

Biblían segir til frelsis frelsaði Kristur okkur. Við erum frjáls og þurfum ekki að syndga.  Lögmálið kom til þess að sýna okkur mönnunum hversu ófullkomin við mennirnir værum og að við gætum ekki gert allt rétt og að við þyrftum á Jesú kristi að halda sem frelsara okkar. Jesús er sá eini sem hefur fullkomnað lögmálið með því að gera engin mistök. Jesús er fullkominn og hann lifir í okkur.

Gal 2:20

Ég er krossfestur með Kristi. Sjálfur lifi ég ekki framar, heldur lifir Kristur í mér. Lífinu, sem ég lifi nú hér á jörð, lifi ég í trúnni á Guðs son, sem elskaði mig og lagði sjálfan sig í sölurnar fyrir mig.

Líf okkar með Guði snýst um að vera í samfélaginu með Guði og fylla okkur af honum svo hann fái að vaxa innra með okkur. Þegar við erum alltaf að fylla okkur meira af Guði þá förum við að skilja út á hvað náðin gengur. Það er komin tími til að fólk hætti að fælast frá kirkjum því það upplifi sig ekki nógu gott eða finnist það of miklir lúserar. Ef við erum breysk og veik á sumum sviðum þá er Jesús með svar fyrir okkur: Náð mín nægir þér...

Jesús sagði líka ekki þurfa heilbrigðir læknis við heldur þeir sem sjúkir eru.

Róm 5:5

En vonin bregst oss ekki, því að kærleika Guðs er úthellt í hjörtum vorum fyrir heilagan anda, sem oss er gefinn.

 

Okkar hlutverk er að náða fólk og elska það en ekki vera dæma aðra eða sjálf okkur fyrir mistök okkar. Því að sama hversu mikið við munum reyna gera allt rétt, okkur mun alltaf mistakast. Jesús er okkar réttlæti. Hann er fullkomin fyrir okkur, hann hefur greitt gjaldið fyrir syndir okkar, öll mistökin.

Hann er sá sem tók á sig refsinguna okkar svo við mættum vera frjáls.

Segja söguna um ambáttina sem var keypt úr þrælasölu..

Að lokum: Þið sem hafið fundið það að þetta talar til ykkar að þá vil ég segja ykkur það að akkúrat núna er rétti tíminn til að fara æfa sig að framganga í kærleika Guðs jafnt til allra manna og hætta að benda á aðra. Það er enginn einhver meiri syndari en einhver annar.. Allir eru jafnir frammi fyrir Guði og við erum ekki réttlætt fyrir það sem við gerum, heldur fyrir það sem Jesús hefur gert fyrir okkur.

Bjóða fram til fyrirbæna...

Helgin búin að vera góð:)

Get ekki sagt annað en að helgin sé búin að vera góð og blessuð. Á föstudagskvöldið, var ég ásamt Baldri Frey að predika í Ármúlanum. Það er að segja að við skiptum þessu bróðurlega á milli okkar og frábært að sjá að meira segja predikarar geta skipt ræðum á milli sín í kærleika og einingu Andans.

Það sem skeði á þessari samkomu er að ein ung kona sem var með bein sem stóðu út úr báðum ristunum á henni, réttust og fann ég þau hreyfast til baka þegar ég bað fyrir fótunum á henni. Síðan báðum við öll saman fyrir manni sem hafði fengið heilablóðfall, hann gat staðið upp og labbað einn og óstuddur eftir fyrirbænina, hann gat rétt úr hnefanum sem var búin að vera kreptur í mörg ár, hann fékk mátt í hendina á sér sem var búin að vera tilfinningalaus, hann byrjaði að tala aftur. Einn sem var með ónýtt jafnvægi og gat ekki hoppað án þess að missa jafnvægið læknaðist líka og hoppaði um allt eins kálfur sem er nýbúið að hleypa út úr stýju.

Síðan klukkan 12 fór ég í Krossinn þar eru byrjaðar miðnætur lofgjörðarstundir frá 12 og fram á rauða nótt. Þar frelsuðust 14 manns, 4 fengu tungutal og einn sem ég bað fyrir var búin að vera með blóðeitrun í vöðvum og ég fann hvernig bólgan hjaðnaði í höndunum á honum.

Síðan í kvöld sem er laugardagskvöld þegar ég skrifa þetta, að þá fór ég  í Keflavík til að predika. Þar frelsuðust að minnsta kosti 2 sálir þannig að það eru að minnsta kosti um 300 manns sem hafa frelsast síðustu 3 vikur:) Ég trúi því að þetta sé bara rétt að byrja og lof sé Guði fyrir vakninguna sem hann hefur gefið yfir landið okkar og það eru forrétindi að fá að taka þátt í uppskerutímanum sem er innan Guðsríkisins:) Hallelujah