ELSKAÐU SJÁLFA/N ÞIG!

Lærðu að elska þig
Þá fyrst getur þú elskað aðra.
Fyrst Guð elskar þig algerlega án skilyrða, þá getur þú líka elskað sjálfa/n þig.


Fólk með lítið sjálfsálit eyðir oft mikilli orku í að reyna að fá viðurkenningu. Í stað þess að gera eins og því finnst rétt, þá reynir það að laga sig eftir því sem það heldur að sé ætlast til af þeim. Þá förum við ekki eftir því sem við vitum innst inni að er rétt, heldur gerum við eins og við höldum að sé nauðsynlegt til að verða viðurkennd og elskuð.

Hefur þú hugleitt það að þú átt, í raun verður, að elska sjálfa/n þig á réttan hátt til að geta sýnt öðrum kærleika. Þegar þú veist að þú ert dýrmæt/ur og elskaður eða elskuð, þá getur þú borið höfuðið hátt og rétt úr bakinu. Þá getur þú elskað sjálfa/n þig og sýnt öðrum kærleika. Það er mikilvægt að líta „réttum“ augum á sjálfa/n sig. Gera sig hvorki meiri né minni en maður er í raun.

Vertu sátt/ur við sjálfa/n þig, þá verða aðrir það líka.

Þeir sem gorta mikið, og ýta öðrum til hliðar, hafa oft lítið sjálfsálit. Þeir eru þá óöruggir með sjálfa sig og finnst í raun lítið til sín koma. En til þess að reyna að sanna að þeir séu samt eitthvað, belgja þeir sig upp og verða næstum eins og blöðrur sem geta líka sprungið þá og þegar.
Fólk með heilbrigða sjálfsmynd þarf ekki að sanna að það sé eitthvað.

Það er öruggt innst inni og þess vegna þorir það að leyfa öðrum að kynnast sér. Það þarf ekki stöðugt að vera að láta á sér bera en getur þess í stað slakað á og verið bara það sjálft. Áhugaríkt, litríkt og aðlaðandi fólk á eitt sameiginlegt, það er sátt við sjálft sig. Sá sem hefur góða sjálfsmynd ber eitthvað með sér sem aðrir taka eftir og hrífast af.

Ef þú vilt að öðrum líki vel við þig, þá er mikilvægt að þér líki vel við sjálfan þig. Það er auðvitað ekkert auðvelt að fara allt í einu að elska sjálfa/n sig þegar maður hefur minnimáttarkennd yfir útliti sínu og finnst maður vera litlaus og leiðinleg/ur. En þá skaltu hugsa um að Guð hefur skapað þig sem alveg sérstaka manneskju. Alveg síðan hann skapaði Adam og Evu hefur hann aldrei skapað neinn alveg eins og þig. Þú ert frumeintak, ekki nein eftirlíking!

Reyndu að leggja áherslu á það sem er gott og einstakt við þig, í stað þess að verða léleg eftirlíking annarra. Þakkaðu Guði fyrir líkama þinn, vitsmuni og þá hæfileika sem hann hefur gefið þér. Byrjaðu hvern dag á því að lesa Sálm.139:14 „Ég lofa þig fyrir það að ég er undursamlega skapaður, undursamleg eru verk þín, það veit ég harla vel.“

Guð vill að þú elskir sjálfa/n þig og látir þér líka vel við þig. Jesús segir að við eigum að elska náungann eins og okkur sjálf.

Ef þér líkar ekki við sjálfa/n þig, þá er erfitt að láta sér annt um aðra.
Þá verður þú bara öfundsjúk/ur í þeirra garð. Ef þér líkar ekki við sjálfa/n þig, þá verður það öðrum líka erfitt. Nú segir þú kannski að þú getir varla haft neitt sjálfsálit ef þú ert óánægð/ur með það að vera sá eða sú sem þú ert! En það er nú reyndar hægt.

Hugsanir þínar hafa áhrif á tilfinningarnar. Ef þú segir við sjálfa/n þig: „Ég er svo venjuleg/ur og leiðinleg/ur“ þá fer þér að finnast þú vera einmitt þannig. En ef þú ferð að einbeita þér að því jákvæða og hugsar jákvætt um sjálfa/n þig, þá verður þú léttari í skapi og áhugaverðari manneskja.

Vertu þú sjálf/ur, ekki eftirlíking.
Það er ekki alltaf svo auðvelt að vera maður sjálfur. Stundum veit maður varla hver maður er í raun og veru. Stundum er það alveg á hreinu, en það skortir kannski kjarkinn til að fylgja því eftir. Maður þorir ekki að vera opinn og sjálfstæður og opinbera skoðanir sínar og tilfinningar. Því hvað halda þá hinir um mig? Kannski líkar þeim þá ekki við mig. Þá verðum við heft og reynum að sýna eitthvað sem við erum ekki í raun og veru. Taktu ábyrgð á þínum eigin skoðunum. Reyndu að gera það út frá þínum eigin forsendum en ekki miða við það sem þú heldur að umhverfið ætlist til af þér. Ef þú hefur kjark til að standa fyrir eitthvað, þá eru aðrir sem geta fengið stuðning hjá þér og borið virðingu fyrir þér. Reyndu að vera þú sjálf/ur, þá ertu ekta. Ef það er erfitt að vera maður sjálfur, þá hlýtur nú að vera enn erfiðara að vera einhver annar. Guð hefur skapað þig sem frumútgáfu. Hann vill ekki að þú verðir léleg eftirlíking einhvers annars.

Þú ert lagleg/ur og áhugaverð/ur.

Það er gaman að vera með sjálfsöruggu fólki. Það hefur jákvæða útgeislun og er þægilegt í samskiptum. Það er ekki upptekið af sjálfu sér og tekur sig ekki svo hátíðlega að það geti ekki hlegið að sjálfu sér.

Fylltu þig af Orði Guðs.

Fylltu hugsanir þínar með jákvæðum hugsunum úr Orði Guðs. Týndu til Biblíuvers sem segja eitthvað jákvætt um þig. Lestu þau upphátt og taktu þau inn eins og meðal, þrisvar á dag. Geymdu mikilvæg vers þar sem þú getur auðveldlega kíkt á þau, t.d. í vasabókinni, á speglinum eða á dagatalinu.

DÆMI:

SJÁ, ÉG HEF RIST ÞIG Á LÓFA MÍNA.. Jes.49:15-16
FYRIRÆTLANIR TIL HEILLA .. VORNARRÍK FRAMTÍÐ..Jer.29:11
ALLT MEGNA ÉG Í HONUM.. Fil.4:13
HANN HEFUR BLESSAÐ MIG..Ef.1:3
ENGIN FORDÆMING .. Róm.8:1-2

Svo getur þú skrifað hjá þér fleiri ritningarstaði sem þú dettur niður á þegar þú ert að lesa Biblíuna og Guð talar til þín.

AUGU SEM SJÁ...HJARTAÐ SEM SÉR...

Augu kennarans leita að þekkingu. Þegar komið er að einkunnagjöfinni, þá er það lærdómurinn sem gildir. Góðar prófeinkunnir eru verðlaunaðar, þeir duglegu halda áfram en hinir sitja eftir...

Augu dómarans í fegurðarsamkeppninni leita að fegurð. Þegar stigin eru gefin þá er það útlitið sem gildir. Grannir fótleggir gefa góða samninga, en smávægilegir útlitsgallar dæma úr leik...

Augu atvinnurekandans leita að árangri. Þegar kemur að útborgun þá er það dugnaðurinn sem er verðlaunaður. Þeir afkastamiklu fá kauphækkun en hinum er sagt upp...

Augu hópsins leita að vinsældum. Þegar ákveðið er hverjir fá að vera með og hverjum er boðið í teitin, þá gildir að vera „in“. Hárgreiðslan og klæðaburðurinn skipta öllu máli, annars...

Augu þjálfarans spá í stigin Þegar valið er í liðið þá er það árangurinn sem gildir. Þeir bestu fá að vera með...

Við erum vegin og mæld. Við erum notuð og okkur er fleygt. „Dugnaðarsamfélagið“ metur okkur eftir markaðsverði. Sumir segja að við séum ekki fimmeyringsvirði, aðrir segja að við séum ómetanleg. Fer þetta virkilega bara eftir því hvaða augu horfa á okkur hverju sinni?

Er enginn sem finnst við vera verðmæt vegna þess sem við erum í okkur sjálfum?
Hver stendur með þeim sem fellur, sér það fagra í þeim ófríða, setur trúmennsku ofar árangri, tekur öllum jafnt og uppörvar þá sem verða undir í keppninni?

Kærleikurinn!
Það er aðeins sá sem er elskaður, sem er einhvers virði! Verðleiki mannsins er mældur með kærleika. Þess vegna metum við fólk ekki með augunum, heldur með hjartanu. Kærleikur Guðs er dýrmætur! Hann hefur skapað okkur, mótað okkur og keypt okkur: „Því svo elskaði Guð heiminn að hann gaf son sinn eingetinn, til að hver sem á hann trúir, glatist ekki, heldur hafi eilíft líf.“ Þeir sem þjást af minnimáttarkennd ættu að meta verðgildið í himneskum gjaldmiðli. Fólk sem er talið einskis virði er ómetanlegur fjársjóður í augum Guðs.
Guði finnst við mikils virði.

Athugasemdir

[Jón Steinar Ragnarsson, 7.12.2009 kl. 02:31]

Lúkas 14:26

[Sigvarður Hans Ísleifsson, 7.12.2009 kl. 04:45]

Lúk.14:26„Enginn getur komið til mín og orðið lærisveinn minn nema hann taki mig fram yfir föður og móður, maka og börn, bræður og systur og enda fram yfir eigið líf.

Great crowds were still following Jesus. Perhaps all these casual followers considered themselves “disciples” of this popular teacher. Jesus explained what it meant to truly be his disciple. His disciples had to love him more than their own family members. Certainly this caused a stir among the people. Who would possibly ask his followers to love him that way?

Jesus was not going against the fifth commandment to honor father and mother (Exodus 20:12). Nor was he attempting to subvert the natural love that exists among family members. Instead, he was saying that his followers’ love for him should be so complete and wholehearted that their love for family members and for life itself would pale in comparison. In first-century Jewish family settings, deciding for Jesus could mean alienation from the family. Jesus warned the would—be disciples that they must be clear about their true allegiance. Those who cannot make that kind of commitment cannot be his disciple.

[enok (IP-tala skráð) 7.12.2009 kl. 17:24]

Hér er svar sem ég ætlaði að pósta inn hjá Jóhönnu . En það virðist sem hún hafi ekki getað tæklað meira af alvöru upplýsingum, og því lokað á mína ip tölu .

En þar sem hún kíkir reglulega inn hjá þér Sigvarður, leyfi ég mér að skilja eftir svarið hér handa þessari elsku . En það er svona :

"Notandi samþykkir að miðla ekki ólöglegu efni, áreiti, hótunum, særandi skrifum eða nokkru öðru sem getur valdið skaða. Notandi samþykkir sérstaklega að miðla ekki háði, rógi, smánun, ógnun eða ráðast á mann eða hóp manna vegna þjóðernis, litarháttar, kynþáttar, trúarbragða eða kynhneigðar, í samræmi við ákvæði 233. gr. a. almennra hegningarlaga nr. 19/1940."

 

Níð, háð og særandi skrif, hafa einkennt þá sem þola ekki Kristna söfnuði og ákveðna stefnu þeirra. Hvernig væri að loka á megnið af þeim, sem fara fram með mestu yfirlýsingarnar og fúkyrðin gegn Kristnu söfnuðunum, eins og Margréti st og f.l ?

[Valgeir Matthías Pálsson (IP-tala skráð) 7.12.2009 kl. 20:13]

Góð færla hjá þér vinur. Frábær. Gangi þér vel og njóttu lífsins. Þú ert mjög góður penni.

Með bestu kveðju.

[Sigvarður Hans Ísleifsson, 7.12.2009 kl. 21:17]

Það borgar sig ekkert að vera rífast í þeim sem trúa ekki, þeir mega bara rasa út ef þeir vilja mín vegna, ég legg það ekki í vana minn að klaga aðra haha...

Þakka þér kærlega fyrir elsku vinur ...