Annasamir tímar

 

Annasamir tímar geta verið hjá öllum. Oft verður álagið mikið og kannski lítill tími fyrir mann sjálfan. En mikið áreiti getur haft þreytandi áhrif á mann. Oft á tíðum verður maður mjög þreyttur. En það er þá það sem skiptir miklu máli að hafa mikin innri styrk og þolinmæði.

Þolinmæði hefur kannski ekki verið minn sterkasti þáttur en eitt sinn taldi ég mig vera höndla þolinmæðina með því að fara með þáverandi konunni í fatabúð þar sem það tók hana 4 klst að finna einar buxur. En slík þolinmæði er allveg góð en þolinmæði gagnvart þeim sem þurfa hjálp og gagnvart því að það sé mikið að gera er það sem þarf. Umburðarlyndi ætti kannski líka heima í þessum pakka, að umbera fólk eins og það er.

En það sem ég ætlaði að hugleiða er hvaðan kemur sá innri styrkur sem maður hefur? Minn innri styrkur kemur frá Drottni. Því að án hjálpar hans væri ég óþolinmóður og ekki að hugsa um neitt annað en sjálfan mig. En þegar maður er með Drottni að þá getur maður fengið allan þann styrk sem maður þarf. 81 þýðinginn segir í Fil.4:13 Allt megna ég fyrir hjálp hans sem mig styrkan gjörir. En New Living Translation kemur með betri útleggingu á þessu versi. Allt get ég gert fyrir hjálp Krists, sem gefur mér allan þann styrk sem ég þarf.

Drottinn hefur lofað okkur öllum þeim styrk sem við þurfum. En hvernig fáum við þennan styrk frá honum? Með lestri í orðinu og bæn. Þegar það koma annasamir og erfiðir tímar að þá getur maður samt fengið að hvíla í klettinum Jesús. Þegar stormarnir geisa að þá getur maður leitað skjóls hjá Jesú og verið glaður. Þannig að annasamir tímar geta verið tímar sem þroska okkur og hjálpa okkur að taka samfélag okkar við Drottinn á dýpra stig. Að lesa og biðja skiptir öllu máli. En það er ekki alltaf mikill tími til þess að gera það í næði. En það má biðja hvar sem maður er allan sólarhringinn og biðja Drottinn um þann styrk sem maður þarf.

Biblían segir að ungmenni munu þreytast sem reyna sig á eigin styrk og gamalmenni sem reiða sig á Drottinn þeir þreytast ekki. Einn sálmur segir hvaðan  kemur mér hjálp? Hjálp mín kemur frá Drottni skapara himins og jarðar. Jesús hafði alltaf mikið að gera. En hann tók sig samt alltaf frá til að eiga samfélag við Föðurinn. Marteinn Lúther sagði að ef dagurinn framundan væri annasamur að þá myndi hann vakna fyrr og biðja aukalega. Enda gat hann áorkað miklu. Jesús gæti þess stöðuglega að vera í samfélaginu við Föður sinn enda er Jesús sá sem breytti heiminum fyrir 2000 árum síðan og er enn að breyta lífum fólks sem til hans leitar. En hvaðan kemur þinn styrkur? Að það sé mikið að gera er engin afsökunm fyrir því að vanrækja samfélagið við Drottinn.

Freistingar

Freistingar eru svona áhugavert viðfangsefni til að hugsa um. Hvað er freisting og hvaðan kemur hún. Freisting er eitthvað sem okkar eigin girnd eða þrár reyna fá okkur til að gera. Segju til dæmis manneskja sem er með of mörg aukakíló utan á sér má ekki borða nammi nema einn ákveðin dag í vikunni. Þessi manneskja sér nammi fyrir framan sig einn dag sem ekki má borða. Hún stendur þá frammi fyrir því að falla á því sem hún er að reyna standa sig í eða standa sterk og hafna því að leyfa sér að hugsa um að fá sér nammi.

Mér hefur verið kennt að freistingar koma frá mér sjálfum og því sem ég er veikur fyrir. Það sem er auðvelt fyrir mig að standast getur varla kallast freisting. Biblían segir að það sé mín eigin girnd sem freistar mín. Ég get valið það að koma mér ekki í aðstæður þar sem mín er freistað. Ef ég myndi reykja síkarettur og væri að hætta að þá myndi ég forðast það að kaupa mér pakka eða vera mikið í kringum þá sem eru að reykja. Það myndi auðvelda mér að hætta þar til ég er orðin nógu sterkur til að geta verið í kringum fólk sem reykir. Það er það sama með nammið. Ef ég væri að reyna hafa hemil á nammiátinu í mér að þá myndi ég ekki hanga í sjoppunni allan daginn. Ég myndi forðast það til að freistingin yrði mér ekki yfirsterkari.

En allt þetta byrjar í hausnum á okkur með hugsunum. Ég get ekki ráðið því hvaða hugsunum óvinurinn reynir að skjóta í kollinn á mér en ég get valið það að hafna henni þegar hún kemur upp. Ef ég er ákveðin að leyfa ekki neinni girnd að veltast um í hausnum á mér að þá truflar hún mig ekki. Sumt eigum við erfitt með að standast og annað ekki. Sumu getur maður bara fallið fyrir strax.

En hvað á maður að gera þegar eitthvað er manni um megn? Svarið er einfallt. ‚Ákalla Guð og biðja hann um kraft til að sigrast á þessu. Það er allt í lagi þótt maður biðji Guð 100 sinnum sama daginn um kraft til að standast freistingu. Hann fær ekkert leið á því að hlusta á okkur eða er alldrei busy heldur alltaf online og tilbúin að svara og hjálpa.

Biblían segir að maður sé sæll þegar maður stenst freistingu.

En það er tvennt sem freisting getur alið af sér. Það fer í raun bara eftir þínum viðbrögðum við henni. Ef þú fellur þá brítur það þig niður. En þá er bara að standa aftur upp og reyna halda áfram sínu striki. Ef maður stenst hana þá þroskast maður .

Þetta er alltaf okkar val að hrasa eða þroskast.

Bréf til Eiginmanns og svar til eiginkonunar:)

 

Kæri  eiginmaður.

Ég skrifa þér þetta bréf því ég hef ákveðið að fara frá þér. Ég hef verið þér góð eiginkona í sjö ár án þess að það hafi skilið nokkuð eftir. Þessar síðustu tvær vikur hafa verið algjört helvíti. Það sem fyllti mælinn var þegar yfirmaðurinn þinn hringdi í dag til að segja mér að þú hefðir sagt upp vinnunni þinni!!!!

Hvað varstu eiginlega að hugsa  ?????? Í alvörunni, bara í síðustu viku komstu heim úr vinnu og tókst ekki einu sinni eftir því að ég hafði farið í klippingu. Ég eldaði meira að segja uppáhalds matinn þinn og til að reyna að vekja athygli þína klæddist ég glænýjum sexý náttkjól um kvöldið!!!! Þú hinsvegar komst heim,gleyptir í þig hluta af matnum á innan við mínútu, fórst svo upp í rúm þar sem þú gláptir á fótboltaleikinn í sjónvarpinu eins og þú gerir ALLTAF....áður en þú steinsofnaðir!! Þú ert alveg hættur að segja að þú elskir mig og ert líka alveg hættur að snerta mig! Annaðhvort ertu búinn að vera að halda framhjá mér eða elskar mig hreinlega ekki lengur. Hver sem skýringin er.....þá er ég farin frá þér.

 

Ps. Ekki reyna að hafa upp á mér.....því þú verður bara fyrir vonbrigðum því ég og Halldór bróðir þinn höfum ákveðið að hefja búskap saman.

 

Vertu blessaður.......!

 

Þín FYRRVERANDI eiginkona ! 

 

 

Sagan endar Þó ekki þarna...

 

 

Kæra fyrrverandi eiginkona.

Mig langar að byrja á að segja þér að ekkert hefur glatt mig eins mikið lengi og að fá bréfið frá þér í dag. Það er rétt hjá þér að við höfum jú verið gift í sjö ár en að þú skulir halda því fram að þú hafir verið mér góð eiginkona  þessi sjö ár.....er ansi langt frá sannleikanum verð ég að segja. Rétt skal vera rétt og til að útskýra mína hlið á málunum þá þér að segja  horfi ég svona oft á fótboltann í sjónvarpinu til að losna við þurfa að hlusta á þetta stanslausa röfl í þér út af öllu og öllum! Verst að það virkar ekki eins vel og ég hefði viljað! Og bara svo að þú vitir það þá tók ég VÍST eftir því að þú hafðir farið í klippingu í síðustu viku. En málið var að mér þótti klippingin bara svo misheppnuð og hrikalega ljót enda leistu út eins og karlmaður! Og þar sem móðir mín elskuleg kenndi mér að segja frekar ekki neitt ef maður hefði ekkert fallegt að segja.. ....ákvað ég að þegja! Eitthvað hefur þú svo ruglað mér saman við hann Halldór bróður  þegar þú segist hafa eldað uppáhalds matinn minn því þér að segja hætti ég að borða svínakjöt fyrir rúmum sjö árum síðan !!! Ástæðan fyrir því að ég fór að sofa þegar þú klæddist nýja sexý náttkjólnum þarna um kvöldið var einfaldlega sú að þegar ég sá verðmiðann aftan á náttkjólnum gat ekki annað en velt því fyrir mér hvort það gæti virkilega verið tilviljun að kjóllinn kostaði 3.999 kr. og að Halldór bróðir hafði fengið lánaðan hjá mér 4 þús. kall fyrr um daginn!!!!!! En bara svo að þú vitir það þá elskaði ég þig þrátt fyrir allt og vonaðist til að við gætum reynt að laga það sem farið hafði úrskeiðis í hjónabandinu. Þannig að þegar ég svo uppgötvaði að ég hefði unnið í 572 milljónir í víkingalottoinu í dag ákvað ég að segja upp vinnunni minni og koma þér á óvart með því að kaupa handa okkur tvo miða til Jamaika. En þegar ég kom heim varst þú farin og mín beið bréfið frá þér. Ég trúi því að það sé ástæða fyrir öllu. Ég vona bara að þú finnir þá fyllingu í þeirri ákvörðun sem þú hefur tekið. Lögfræðingurinn minn hefur tjáð mér að með bréfi þínu hafir þú fyrirgert rétti þínum til lottovinningsins þannig að því miður fyrir þig er hann er alfarið minn.

 

Vona að þú hafir það bara gott í framtíðinni.

 

Já og meðan ég man..........er ekki alveg viss hvort ég sagði þér það nokkurntímann en Halldór bróðir er ekki fæddur Halldór....heldur....Halldóra.

 

Vona að það komi ekki að sök.

 

Með ótrúlega góðri kveðju frá Jamaika....

 

Hinn moldríki og frjálsi FYRRVERANDI eiginmaður þinn!

Sköpuð til að mótast...

 

Eitt af því sem ég hef lært er að það er fimmfaldur tilgangur sköpunar okkar. Það er að segja að tilgangurinn með því að ég og þú séum til er fimmfaldur.

 

1. Sköpuð Guði til ánægju ( eiga samskipti eða samfélag við Guð)

2. Sköpuð fyrir fjölskildu Guðs ( eiga samskipti við trúsystkyn okkar og annað fólk)

3. Sköpuð til að líkjast Kristi ( markmið sérhvers kristins manns er að reyna líkjast Jesú sem mest)

4. Sköpuð til að mótast ( þennan þátt ætla ég að blogga aðeins um núna)

5. Sköpuð fyrir verkefni ( ýmsir hæfileikar sem  við höfum og því mismunandi verkefni og vinnur sem henta okkur)

 

Þetta er hinn fimmfaldi tilgangur lífs okkar. En það sem mig langar að velta fyrir mér að vera skapaður til að mótast. Þetta gæti virst frekar skrítið að lesa þetta að vera skapaður til að mótast. Við fæðumst öll inn í ákveðið umhverfi og aðstæður sem hafa áhrif á líf okkar og hvernig við verðum. En það er ekki þar með sagt að sú reynsla gefi rétta mynd af því hver við erum í raun og veru.

Að vera skapaður til að mótast þýðir einfaldlega það að lífið bíður upp á fullt af vandamálum og erfiðleikum til að komast í gegnum. Sumir segja að við eigum ekki að líta á hlutina sem vandamál heldur sem verkefni til að leysa. Við getum lent í slæmum aðstæðum þar sem okkur er um megn að komast út úr. En þá er akkúrat tími til að beygja kné sín frammi fyrir Guði og leita hans. Guð notar kringumstæður til þess að móta karakter okkar. Við getum valið það sjálf að þroskast í gegnum þær raunir sem koma eða valið það að láta það brjóta okkur niður.

Lífið er eitt próf sem við göngum í gegnum. Lífið hér á jörðinni mótar okkur fyrir það sem við verðum í eilífðinni. Samkvæmt þessu að þá verður maður sami karakter í eilífðinni í paradís nema án syndugs eðlis. Guð skapaði manninn fyrir sig sér til ánægju en maðurinn þarf sjálfur að velja það að vilja fylgja Guði. Þeir sem völdu það að ganga Guðs veg munu svo vera með Guði um alla eilífð.

Hvernig tekur þú á aðstæðum sem koma upp í lífi þínu? Ein góð setning sem ég heyrði sem er svona: Svo er Guði fyrir að þakka að allt hefur tilhneigingu til að enda vel af lokum. Þetta sýnir þá mynd að Guð er snillingur að láta eitthvað gott koma út úr slæmum aðstæðum.

Mér var kennt að þegar ég baka að þá þarf ég ákveðin hráefni í kökuna. Ef ég tek bara eitt hráefni og ét það, Þá er það ekkert sérlega gott. En ef ég tek öll hráefnin og blanda þeim saman í eina köku þá verður útkoman góð.

Þannig er það með okkur. Að allir erfiðleikar og allt sem lífur hefur upp á að bjóða mótar okkur og gefur útkomu á því hver við erum. Ég hef alltaf trúað því að erfiðleikar opinbera í raun hvernig samfélag okkar við Guð er. Hvort við séum í raun að treysta honum og taka frá tíma. Sá sem ræktar samfélag sitt við Guð veit það þegar á reynir að Guð bregst ekki, því að undirstaðan sem er samfélagið við Drottinn hefur verið traustlega byggð. En þeir sem falla frá eru þeir sem byggðu allt upp á upplifunum og annað sem er ekkert annað en sandur og fjarar undan þeim.

Fyrir mér að þá snýst þetta um að treysta Guði fyrir öllu og leyfa honum að móta okkur í það sem hann skapaði okkur til að verða.

Varast skal að rangtúlka Biblíuna og láta hana segja annað en hún er að segja

 

Eitt af því sem hefur verið að valda mér pirringi undanfarið er rangtúlkun á versi í Matteusarguðspjalli. 

Matt 6:33...En leitið fyrst ríkis hans og réttlætis, þá mun allt þetta veitast yður að auki.

 

Villan sem um ræðir er að margir sem tala út frá þessu versi segja í stað þess að segja allt þetta mun veitast ykkur að auki, allt annað mun veitast ykkur að auki. Með því að segja allt annað mun veitast ykkur að auki að þá er búið að taka versið úr samhengi. Til þess að geta skilið hvað Jesús á við að þá þarf að lesa allan kaflan í samhengi og þá sér maður strax, að það sem Jesús á við er að hann  er að tala um fæði, klæði og húsnæði. Það er að segja að Guð hefur lofað okkur að gefa okkur það sem við þörfnumst ef við leitumst eftir hans ríki og leitumst eftir því að lifa réttlátu lífi.

Það sem þetta þýðir er það að þinn himneski Faðir þekkir allar þarfir þínar og mun veita þér það sem þú þarfnast dag frá degi ef þú leitast eftir því að lifa fyrir hann og gerir hann að uppsprettum lífs þíns.

Þetta þýðir ekki það að þú getir ætlast til þess að Bens birtist fyrir utan hús þitt á morgunn af því að þú ert að fylgja Guði. En það gæti samt gerst. En það er ekki það sem Guð lofar þér. Hann segir ég þekki þarfir þínar og mun veita þér það sem þú þarft.

Þegar Ísraelsmenn gengu um í eyðimörkinni í 40 ár. Þá áttu þeir engar brygðir af mat. Guð sá samt um þau dag frá degi. Guð hefur ekkert breyst og hann sér um þig dag frá degi. Jesús vildi líka benda okkur á að það væri óþarfi að sitja á auð okkar og láta hann hafa stjórn á lífi okkar. Ég hef lært það þessi 8 ár sem ég hef gengið með Guði að um leið og ég geri það sem er rétt að þá lánast mér allt og ég fæ allt sem ég þarf. Þetta er ekki bara vers heldur fyrirheit um að treysta Guði fyrir lífi sínu.

Hvernig hugarfar ert þú með?

 

Hugsunarháttur okkar skiptir miklu máli og mótar það hvernig við tölum og annað við aðra. Hugsunarháttur okkar hefur líka með það að segja hvernig við bregðumst við ákveðnum aðstæðum.

Það er svo allgengt að heyra fólk baknaga aðra og gera lítið úr þeim þegar aðrir heyra ekki til þeirra. En þessi aðilar eru þá bara að tala um sjálfa sig. Með þeim dómi sem þú dæmir, munt þú dæmdur verða. Það hvernig við tölum hefur allt með það að gera hvernig við hugsum.

Biblían segir að maður eigi að endurnýja hugarfar sitt. Byrja að hugsa á annan hátt en maður gerði áður. Það sem hefur verið mesta áskorunin fyrir mig í þessu tilviki er að hætta að hugsa bara um sjálfan mig. Þegar hugsanir mínar hætta að snúast eingöngu um mig frá mér til mín að þá er maður komin langt í land með að hafa gott hugarfar.

Biblían segir líka að við eigum að vera með sama hugarfari sem Jesús Kristur var.  Jesús hafði það hugarfar að gera vilja Föðurins. Jesús sagði ekkert geri ég af sjálfum mér heldur eitt það sem Faðirinn hefur sagt mér að gera.

Hugarfar okkar þegar veikindi koma eða þegar einhver gerir okkur eitthvað hefur líka heilmikið að segja. Það er svo sem ekkert óallgengt að þegar fólk veikist að það fari að vorkenna sjálfum sér. Það er ekkert að því að láta vita að maður sé orðin veikur og þurfi að fá frí í vinnunni eða því sem maður er að gera. En að vera vorkenna sér fyrir það sem komið er fyrir mann er ekki jákvætt. Sagt er að bati frá veikindum hefur 80% með hugarfarið að gera. Ef maður hugsar vel um sig og er ákveðin í að taka hlutunum eins og þeir eru að Þá kemur ekki upp þessi hugsun æ aumingja ég eða afhverju ég? Lífið hefur upp á fullt af hlutum að bjóða sem verða á vegi okkar til að þroska okkur. En það skiptir miklu máli að hugarfarið sé rétt.

Þetta er það sama með hjón. Þau hafa gefist hvort öðru og eiga að hafa hugan hjá hvoru öðru. Það er ekki eðlilegt að fólk sé að hugsa um aðra á kynferðislegan hátt en maka sinn. Þess vegna í því tilviki skiptir það öllu máli hvernig við hugsum um makan og aðra í kringum okkur. Það geta skotist upp freistingar og annað í huga okkar og hugsanir sem við viljum ekki hugsa en það er þitt að velja hvað þú gerir við þessa hugsun. Ef fólk leyfir hugsunum að krassera í hausnum á sér að þá fer það að tala það út og svo framkvæma það. Ef annar makinn hvort sem það er karl eða kona fer að skoða klám á netinu að þá byrjar hugsunarhátturinn að brenglast. Síðan fara hugsanir að skjótast upp í kollinn um ótrúnað, síðan verður þetta talað út og áður en þú veist af ertu farin að halda framhjá maka þínum. Jesús sagði að hugsa girndarlega um aðra væri framhjáhald í hausnum á þér. Jesús er Guð og veit hvað hann segir. Fyrir mér er þetta aðvörun að leyfa ekki svona hugsunum að krassera í hausnum á okkur því það hefur slæmar afleiðingar. Hvaða áhrif hefur það að halda framhjá? Jú það hefur þær afleiðingar að traust tapast, nándin tapast og vináttan kólnar, og þar með kærleikurinn til makans líka og það getur margt annað slæmt fyglt í kjölfarið á þessu.

Að hugsa er ekki bara að leyfa hugsunum að vafra um hausinn á okkur sem skjóast upp. Það sem þú hugsar það ert þú. Það hvernig þú talar það ert þú. Það hvað þú framkvæmir ert þú. En allt byrjar þetta með einni hugsun. Hvernig hugsar þú?

Sköpuð til að líkjast Kristi

2Kor 5:17.Ef einhver er í Kristi, er hann skapaður á ný, hið gamla varð að engu, sjá, nýtt er orðið til.

Eitt af því að vera kristin er að deyja af sjálfum sér og leifa Guði að vaxa innra með sér. Það er að segja að mitt gamla eðli á að minnka og eðli Guðs að vaxa.

Gal 2:20.Ég er krossfestur með Kristi. Sjálfur lifi ég ekki framar, heldur lifir Kristur í mér. Lífinu, sem ég lifi nú hér á jörð, lifi ég í trúnni á Guðs son, sem elskaði mig og lagði sjálfan sig í sölurnar fyrir mig.

Páll skildi þennan leyndardóm og sagðist vera dáin af sjálfum sér og það væri ekki framar hann sem lifði heldur Kristur í honum.Jóhannes skírari sagði:

 Jóh 3:30.Hann á að vaxa, en ég að minnka.

Jóhannes skírari vissi það að hann ætti sjálfur að minnka sínu eðli og vaxa í eðli Krists.Biblían bendir okkur aftur og aftur á það að deyða líka það jarðneska í fari okkar. Biblían segir líka að við eigum ekki að haga okkur á sama hátt og hinir sem ganga ekki með honum. Við eigum ekki að mótast eftir menningunni eða tíðarandanum eins og hann er kallaður. Við eigum að mótast eftir þeirri Mynd sem Guð skapaði okkur til að verða.

1Mós 1:26.Guð sagði: Vér viljum gjöra manninn eftir vorri mynd, líkan oss, og hann skal drottna yfir fiskum sjávarins og yfir fuglum loftsins og yfir fénaðinum og yfir villidýrunum og yfir öllum skriðkvikindum, sem skríða á jörðinni.

Þegar Guð skapaði okkur, þá sagði hann ekki ég ætla að skapa manninn svo hann geri það sem honum dettur í hug eða fari sínar eigin leiðir, eða mótist eftir þvi sem er að gerast hverju sinni. Guð sagði við skulum skapa manninn í okkar mynd, líkan okkur. Þarna sést að Guð var ekki bara einn heldur 3 Drottinn= Faðir,Jesús og Heilagur Andi.  Þegar mannkynið hafði fallið og var komið langt frá því sem það var skapað til að vera að þá kom Kristur og varð okkur fyrirmynd og okkar markmið sem kristin á að vera líkjast honum sem mest. Við vorum sköpuð til að verða lík Guði.

En samt ekki misskilja mig við verðum ekki Guð eða aðrir Guðir. Við verðum Guðleg og það er allt annað. En samt erum við oft að reyna leika Guð með því að reyna stjórna aðstæðum í kringum okkur og öðru fólki og notum ýmsar aðferðir til þess. En okkur er ekki ætlað að stjórna neinum nema sjálfum okkur. Guð skapaði okkur fyrir sig til að líkjast sér. Lífið á jörðinni er bara skóli til að móta okkur á þann hátt sem við eigum að verða í eilífðinni með honum. Þannig að samkvæmt því að þá munum við verða með sömu persónurnar nema án syndar. Synduga eðlið verður farið og við fáum nýjan dýrðarlíkama.

Að henda því burt sem skemmir fyrir.

Eitt af því sem skitpir miklu máli er þegar fólk á samskipti að það keppist eftir því að vinna því að þau séu góð og friðsamleg. Þegar leiðindi koma upp að leysa þá málin strax og vera alltaf fyrri til að leita sátta. Ég las í góðri bók að þegar maður er fyrri til að leita sátta og hlustar á það sem hinn hefur fram að færa og biðst svo afsökunar á sínum hlut, að þá er eins og það sé búið að afvopna deilurnar eða stríðið á milli þeirra. Þá á ég við að vopnin eru lögð niður sem eru ásakanir og það sem gert er, er játað og fyrirgefning á sér stað.

En hvað með aðila sem valda sundrungu og vinaskilnaði hvar sem þeir fara um? Á maður alltaf að umbera þá og leyfa þeim að koma upp um hlutina? Það sem mér finnst rétt í þessu og það sem mér hefur verið ráðlagt og það er að opinbera þá sem vilja ekki snúa sér frá svona verkum sínum. Biblían segir að menni muni skyndilega verða knosaðir.Það þýðir það að þeir munu verða opinberaðir láti þeir ekki af íllum verkum sínum.

Samanber Byrgismálið þar varð að opinbera það sem var gert í leyndum því þar var enga iðrun að finna og til þess þurfti hugrekki þeirra aðila sem komu þar nærri. Biblían segir eigið engan þátt í verkum myrkursins heldur miklu fremur flettið ofan af þeim. Í þessu tilviki núna er að ræða aðila sem verður ekki nafngreindur en ávextirnir af því sem hann hefur verið að gera er sundrung. Það eru stanslaust að koma upp lygar og leiðindi í kringum hann, þrátt fyrir margar aðvaranir. Ég hef sjaldan lent í eins miklu rugli á stuttum tíma eins og þegar ég fór að umgangast þennan aðila í góðri trú um að hann hefði allan vilja til að bæta ráð sitt. Ég hef ekki séð nein merki þess hjá honum að hann vilji breytast eða bæta ráð sitt. En núna er svo komið fyrir honum að ég hylmi ekki yfir honum lengur né ver hann og fer til allra þeirra sem hann hefur verið að bera upp á lygar og koma í vandræði, líkt og hann hefur gert gagnvart mér.

Eflaust gæti einhver farið að hugsa að ég sé í einhverjum hefndarhug. En svo er alls ekki. Maður á ekki að hylma yfir öðrum né samþykja þeirra röngu verk. Sérstaklega þegar það er að skemma mjög mikið út frá sér og menn vilja ekki iðrast. Biblían segir að garðarnir séu í blóma og það þurfi að ná refunum sem fara inn í þá og reyna að skemma þá. Það þýðir það að það þarf alltaf að uppræta hið ílla. Vonandi verður þetta fyrir þennan aðila að hann bæti ráð sitt og geri eitthvað í sínum málum.

Hver er munurinn á plani Drottins og plani satans fyrir líf okkar?

Jóh 10:10
Þjófurinn kemur ekki nema til að stela og slátra og eyða. Ég er kominn til þess, að þeir hafi líf, líf í fullri gnægð.
Fyrir mér er það afskaplega einfald að skilja munin á þessu tvennu. Sumir hafa reynt að koma með þá kenningu að þjófurinn í þessu tilviki sé ekki satan heldur menn sem komu á undan Jesú. Sú kenning er allfarið röng. Þara er aðeins talað um þjófin í eintölu. Hver er þessi þjófur? Satan heitir hann. Nafnið satan þýðir andstæðingur. Gegn hverjum er hann þá andstæðingur? Jú þér og öllu því sem Guð hefur skapað.
Satan hét eitt sinn Lúsifer og var engill á himnum. Guð hafði gefið honum miklar gjafir og hann hafði mikla ábyrgð á himnum sem verndarkerúb (kerúb er engill) Hann hafði það hlutverk er sagt að gæta sálnana sem áttu eftir að koma á jörðina og í mennina. Sagt er að hann hafi átt að segja þeim að tilbiðja Guð. En þegar hann fór að ofmetnast að þá fór hann að segja sköpun Guðs að tilbiðja sig og vildi reisa hásætti sitt ofar hásæti Guðs. Hann gerði uppreisn á himnum ásamt einum þriðja englum himins. Frammi fyrir Drottni var þetta allvarlegt brot og afleiðingin varð sú að Lúsifer var varpað niður ásamt einum þriðja hluta englum himins. Í dag kallast Lúsifer satan því hann er fallinn engill og getur alldrei snúið aftur inn í himininn. Hvorki hann né hinir englarnir sem kallast íllir andar og eru líka fallnir englar.
Satan hatar Guð og allt sem hann hefur skapað. Áætlun Satans með þitt líf er að þú missir af því sem hann missti af og það er eilífð með Guði. Sumir hafa komið með því mynd af satan að hann sé ljótur með horn og annað. En það er allgjörlega röng mynd. Því að Lúsifer var einn fallegasti engillinn á himnum. Meira segja er ein af þeim aðferðum sem hann notar er að fá fólk til að hugsa frekar um ytra útlit en það sem kemur innan frá. Fólk nú til dags er mun meira upptekið af sjálfsdýrkun á fegurð sinni og holdi en áður fyrr. Það er vegna þess að satan stráir því í huga fólks að það sé útlitið sem skiptir öllu sem er rangt. Þannig að markmið satans með þitt líf er að stela því af þér sem þér er ætlað í eilífðinni með Guði, hans markmið er að stela af þér hamingjunni, hans markmið er að stela öllu af þér sem þér er kært um. Hans markmið er að slátra þér, fjötra þig eins mikið og hægt er, hvort sem það birtist í eiturlyfjafíkn, áfengisfíkn, matarfíkn, klámfíkn, kynlífsfíkn, spilafíkn eða hvaða mannskemmandi hegðun sem slátrar lífi þínu eða hefur skaðleg áhrif á líf þitt. Hans markmið er að eyða þér , fá þig til að taka þitt líf, fá þig til að deyða aðra, fá þig til að skemma líf annara, berja, misnota og allt það sem hefur eyðandi áhrif á líf annara. Hans áætlun er ekki góð og hefur ekkert bjart framundan. Hann hefur platað marga tónlistarmenn og auðmenn til þess að selja sér sálu sína fyrir frægð og frama. Þeim vegnar vel í ákveðin tíma en svo fer allt niður á við og líf þeirra í rúst.
Jesús sagði að hann væri komin til þess að veita okkur líf , líf í fullri gnægð. Hver er þá áætlun Guðs með okkar líf? Í fyrsta lagi skapaði Guð okkur fyrir sig og til samfélags við sig. Hann skapaði okkur til þess að uppfylla ákveðin verkefni hér á jörðinni og til að þroskast í þá mynd sem okkur er ætlað að verða, sem er í hans mynd.
Jer 29:11
Því að ég þekki þær fyrirætlanir, sem ég hefi í hyggju með yður segir Drottinn fyrirætlanir til heilla, en ekki til óhamingju, að veita yður vonarríka framtíð.
Áætlun Guðs er að við séum hamingjusöm, að við eigum vonarríka og bjarta framtíð. Áætlun Guðs er að við náum að skara fram úr og náum afgerandi árangri í því sem við gerum. Áætlun Guðs með líf okkar er allt það besta fyrir okkur. Að gefa okkur eilíft líf á himnum, að setja okkur frjáls frá því sem satan hefur fjötrað okkur með. Að við séum frjáls og ekkert sem hefur eyðileggjandi áhrif á líf okkar, hafi tök á okkur. Að við getum átt samskipti við hann og menn. Guð hefur gott plan fyrir okkur..
Hvoru planinu vilt þú vera í?

Er erfitt að viðurkenna sín eigin mistök?

Það sem ég er að spá í núna er varðandi mistök sem við gerum. Þá getum við lent í því að brjóta óvart á fólki eða viljandi. Slíkt er bara óhjákvæmilegt þegar fólk dvelur mikið saman. Enda allir menn breyskir á einhvern hátt. Ég hugsa að lífið væri annsi leiðinlegt ef allir væru fullkomnir og lífið biði þeim ekkert upp á neina áskorun eða þroska.

En þegar ég fer að velta þessu betur fyrir mér þegar við klikkum eða gerum eitthvað rangt, að þá er svo allgengt að við fríum okkur undan því að hafa gert eitthvað og bendum á næsta mann. Svona flóttaleysi undan ábyrgð hefur verið til síðan við syndafall mannsins. Þegar við förum aftur til baka í Edengarðin og skoðum Adam og Evu að þá óhlýðnuðust þau því sem Guð hafði sagt. Þegar Guð spyr Adam afhverju hann braut af sér, að þá kennir Adam Guði um þetta því hann gaf honum konuna sem lét hann gera þetta. Eva gat ekki heldur viðurkennt sín mistök og kenndi höggorminum um þetta því að hann tældi hana.

Í fyrsta lagi að þá vissi Adam að þetta væri rangt, hann valdi það að taka þátt í óhlýðninni með Evu. Eva valdi það líka að hlusta á höggorminn og að óhlýðnast. Hún sjálf framkvæmdi það sem hún átti ekki að gera. Þar af leiðandi var það hvorki Guði né Evu að kenna að Adam óhlýðnaðist, og það var ekki höggorminum að kenna að Eva óhlýðnaðist. Þau völdu það sjálf að óhlýðnast og þurftu því að taka afleiðingum af gjörðum sínum.

En afhverju er svona oft erfitt að viðurkenna að maður klikki? Stundum er það ótti við höfnun, ótti við að vera dæmdur eða ótti við álit annara og manns eigin hroki og stollt.
Lausnin við þessu öllu saman er að lifa fyrirgefandi lífi. Það er góður punktur sem ég las. Við þurfum alldrei að fyrirgefa öðrum meira en Guð hefur fyrirgefið okkur. Þannig að þegar menn láta af eigin hroka og stollti að þá verður það léttara að biðjast afsökunar ef maður hefur gert eitthvað á hlut annara og fyrirgefa þeim sem gera á manns eigin hlut.

Afhverju að ljúga þegar þess þarf ekki?